حبيبتي الحنونه اوشي كيف حالك وحال اطفالك الحلوين وشن دايرين في الامتحانات ان شاء الله ربي يوفقهم والف مبروك على سلفك وان شاء الله تكون سلفه باهيه وزي اوخيتك وان شاء الله افراحكم ديما عامره يارب
حبيبتي هدوشه كيف حالك وحال سومه الحلوة ربي يحفظها وعظم الله اجرك في جدك وسامحيني جت متأخره الله يرحمه ويجعل مثواه الجنه شن دايرين مع الصقع والثلج اكيد جوكم زي امريكا ردي بالك ع روحك وع سوما
حبيبتي الغاليه اثري كيف حالك وحال بنوتك ووليدك ربي يخليهملك والف لاباس ع الوالده والحمد لله ع سلامتها ع فكره نفرح هلبا لما نشوف أي تعليق ليك عليا وفعلا والله فطومه خدتني منكم ومن العالم كله ربي يحفظه ويحفظلك صغارك
حبيبتي الاموره سوسو كيف حالك وحال حمودي وريومه توا كيف حالها ان شاء الله تحسنت ردي بالك عليها من الصقع وان شاء الله لاباس عليها وربي يوفقك في تعلم القرأن وان شاء الله تبدي تعلمي فيه
حبيبتي جنودة كيف حالك وحال زوجك وكيف حال الغربه معاكم وشن اخبار الدراسه وباهي افتكيتو من الصقع احني عندنا ناقص 23 وثلج شادين الحوش وخلاص
حبيبتي شموسه ان شاء الله تكوني انتي وشموسه وعبسي والبيبي الحلو بالف خير وان شاء الله تلقي حل لمشكلة المنتدى وتنوري التجمع ياقمر
حبيبتي ام نوزة كيف حالك وحال سنافرك ربي يحفظهم ان شاء الله تكوني بالف خير
ام معاد كيف حالك وحال صغارك ان شاء الله تكونو بخير وربي يوفق وينجح زوجك ان شاء الله
ام ورد وام حاتم وخوله كيف حالكم وحال بيبياتكم ان شاء الله ربي يتمملكم حملكم ع خير وتنوضو بالسلامه يارب