واحد سﻻم عليكم كيف اخباركم يا اخوات ؟؟؟؟؟ اوا راه شفتك يا سلطانة باغة تحيحي علي البرد وتسبكي عليه واخيرا قتنعتي باﻻعشاب هههه المهم الخزامة راه زوينة بزاف انا هديك ديال البصلة والخزامة راه درتها شحال هادي فورتها مع الخزامة والبصلة الحمرة وباكم ابو محسن ضرب يديه في المطير لقاه مخدر بالبصلة وشم ريحة وهو يدوخ قالي صافي كلشي فهمتو والبصلة ﻻش تم هههه قلتلو راه تنطيب لحم بالبصلة في قلب الموطور معمري عاودتها صراحة حشمت منو حيت عيقت علي هاد راس المال طيبتو مسكين الي سمعتها كنجربها المهم درتها شي يوماين ومكملتهلش حيت خاص علي اﻻقل ثﻻث ايام وعكزت حيت كنعس ومنين كينعس عاد كنوض نقدي شغل هههه مادارتلي والو صراحة منزل مني والو الي بغات تعبر دير صريرات ديال الخزامة وديرها في الفاصمة طايبة وطلعهم معاها احسن وتعقمو مزيان يديكم وطبسيل وكلشي الي غدي تخدمو فيه وراه واحد المشكل راه الي دير العشوب ترد البال مزيان من البرد راه كتولي تعرضي دغية للبرد وحاجة اخري حتي الخزامة غليوها في الكوكوط وخليو داك البخار يطلع معاكم راها جد رائعة سلطانة راه شيح مزيان بزاف وزيدي معاه روزمارين وشوية ديال فليو وزعتر ويكونو دافين ومن اﻻحسن فوريهم مع البصلة الحمرة وجربي علي الله والله يرزقنا اجمعين ذرية صالحة