الجزء الثاني
مراحب حبيباتي والف الف شكر لكل اخت ردت علي
المهم يالغاليات رحت لمستشفى لحبيب يوم السبت الصباح الساعه 7ونص طبعا سوولي اشعة مهبلية وكنت احس بالم ماتتخيلون واصلا بعد الابر المنشطة احس المبيض الايمن الم فية وقال الدكتور عادي هذا بسبب البويضات المهم بعد ما اجريت الاشعه وتم دفع تكاليف عملية السحب مبلغ 8 الاف سلموني عينه لزوجي لتعبئتها السائل المنوي اخذنا رقم وجلسنا بالانتظار لين جاء دورنا وتم دخولنا غرفة مجهزة بورة مياة تم تعبئة العينة بالسائل المنوي انا كنت على اعصابي احاتي عملية السحب وطول وقتي ادعي واستغفر وزوجي حس اني متوترة وسال الاستقبال متى تدخل زوجتي للسحب قالو انتظر الين نتاكد من سلامة الحيوانات المنوية اولا انا هنا كنت على اعصابي وادعي ربي لايضيع تعبي وخايفة يكون في السائل المنوي اي شيء يتم خلاله تاجيل عملية السحب انتظرت ربع ساعه ونادووني الرقم دخلت للغرفة طلبت مني الممرضة لبس لبس العمليات وركبت فيني ابرة للمغذي واعطتني ابرة الحساسية وبعد عشر دقايق اخذتني لغرفة العمليات وانسدحت وتم تنظيف عنق الرحم وكان السؤال ينعاد علي الف مرة من الممرضات شو اسمك وشو اسم زوجك وايش عمليتك اليوم وبعدها اخذت المخدر وماعاد حسيت بنفسي الى عالسرير بالغرفة الي دخلتها اول والم في بطني وخاصة اليمين ماينوصف وكنت اقول يارب لاتضييع تعبي جات الممرضة وقالت سحبنا عدد من البويضضات وسيتم الاتصال للتاكيد على موعد الترجيع وطلع بعد نصف ساعه عالعربية وما اقدر امشي من الالم اول مارحت للبيت تبخرت بالخواجوا والمر وشربت حليب دافي بالزنجبيل ونمت الى العصر صحيت الالم خف بس اقل من اول بكثير ولله الحمد وانتظرت 3 ايام وكان موعد الترجيع يوم الثلاثاء عالساعه 2 الظهر