كيف حالكم أخواتي جميعا وجمعة مباركة عليكم
هلا وغلا بالغالية أم جعفر كيف حالك وكيف حال البيبي
خبرينا عرفت اللي في بطنك ولد أو بنت أو لسى
وبما انك تتابعين في مستشفى القطيف المركزي وش رايك فيه أسمع عنه من بنت خالي لكن ماجربته وصديقتي مجربته لأن أختها دكتورة في نفس المستشفى ونصحتها تتابع فيه وأعرف دكتورة نساء وولادة هناك لأنها بنت صديقة أمي لكن ماصار عندي فضول أستفسر منهم عن المستشفى
بس سمعت بنت خالي وصديقتي يمدحون في الولادة هناك وبالمقابل في النت ناس يذمون المستشفى عموما المستشفيات الحكومية دايما يذموها
وش رايك في المتابعة عندهم ؟؟ ومتى تكون مواعيدك ؟؟ وهل تفكرين تولدين عنهم أو لا
ياليت اذا مافيه تعب عليج تعطيني شرح وافي عنهم ...
زوجي توه ماخذ قرض ومشترك في جمعية وماودي أثقل عليه أكثر وأحمله فوق طاقته اذا القطيف المركزي ممتاز أفكر أتابع عندهم والولادة تكون هناك ان شاء الله مع انه زوجي معارض الفكرة
يقول لي سمعة المستشفى سيئة لكن
أنتظرج يالغاليه حتى أسمع رايك واذا فيه أحد جربه لايبخل علينا بمعلومات شاملة عنه وعن تعاملهم وعنايتهم واذا كان المستشفى سيء بروح مستشفى خاص وأمري لله
الله يعطيج الصحة والعافية وتولدين بصحة وسلامة