[أم ياسمين]

أذكر و احنا يهال كنا ساكنين العايله الكريمه كلها في بيت ابوي العود كل العمام الله ياهي ايام المهم

نتجمع احنا اليهال صبيان و بنات و نطلع نقرقع بالفريج مرو علينا شله قالولنا ترى في كلب

مفترس ورا الفريج ما صدقناه حسبالنا يقصون علينا عشان اهم بس ياخذون القرقيعان وكابرنا

ورحنا لمن صرنا بنص البراحه ((عينكم ما تشوف الا النور)) ما وعينا الا هالجلب البوليسي

اللي منهد علينا و يركض ورانا واحنا قبه ننحاش المهم ان صاد أصغر واحد فينا اللي اهو اخوي

الحين ماشاء الله متزوج و عنده ولد ولي الحين اذكره بالسالفه احنا وقفنا من بعيد مو عارفين

شنسوي بس نصرخ عليه من حلاة الروح شال كيس القرقيعان اللي جمعه و طق الكلب فيه

حيل على وجهه خق الكلب وانحاش اخوي الحمدالله بس موقف والله ما ننساه بس الحين لمن

نتذكره نموت من الظحك خخخخخخخخخخخخخخخ وسلامتكم اسفه على الطواله.