هديه الخالق
جيجي هلا شن أخبار عمليتك والبنوتات
أني سوما بسم الله ماشاء الله بدت تمشي خطوات بروحها
اهلا هدهد كيف حالك وحال الموره ماشاء الله تبارك الرحمن عليه سلم خطواتها يارب ان شاء الله تشوفي خطواتها وهي عروس ياربي
نذكر رنوده امشت خطوات واحني في تونس علاج مع عزوزتي
ومعادش بت اتقعمز كل مطيح اتنوض ربي يحفظها فرحت بالمشي ونفس اليوم انفتش في فمها بفلاش التلفون اندور في سن هههههه ولقيتها قريب طرت من الفرحه حتي تعشينا برا
لاها ماطلعتش بكري حبيبتي الحلوه عقبال ماتكبر جمون بشوي بشوي وهي ووخيتها بالف خير
عمليتي الحمد لله بخير
البارح تعبت شوي بايته انا وعزوزتي راجلي متزرد جوها عزوزتي خواتها زوز ومرت خوها
طيبت ودرت اللازم
عشانا ((رز بالخلطه وبازيليا ووطاجين افخاد دجاج تبلتهم اول ماجو وتعشينا موخر قالوا متغدين قبل ميجو مع5 حطيت العشي مع 11 وسلاطات مشكله ومشروب وفاكهه ))
طبعا عزوزتي لااااااااازم هي وخواتها عاله الحق جوها العاله مع التهدريز حلو غر اني انحط حاجه عالنار ونقعمز شوي ونوض وهكذا
وختمناها بطويسه اللوز مع 12 وشوي
روحو خواتها 12 ونص وباتت مرة خوها معانا وهاتك ياتهدريز ورنوده فررررحانه عندنا ناس ههههه
مارقدتش للخمسه وهما توا امشوا للزاويه بايتين عند بنت اختهم غدوه عندنا سبوع عالغدي ان شاء الله امشوا بيعولوا معاهم