بنات انا الرحم انفتح بسم واحد ملي كنت باخر يوم بالشهر السادس لهيك حكولي لازمني راحة
و طول الشهر السابع و فيني الام و كمان بنص السابع كان الرحم مفتوح 3 سم
و بالليل 29 نوفمبر مشت معي مويه بدون الم فرحت دغري عالمشفى لانو علمت انها ولادة و لما وصلت و شفت الدكتورة قالتلي اعطيني السونار تبع التاسع خبرتها انو لساتني بالسابع فلما شافتو عرفت انو البيبي الثانية مش متخدة وضعية الولادة يعني رجليها هم الاولين فطلبت من الممرضة توديني مشان اعمل سونار عندهم بالمشفى لتتاكد اذا لس البنت بنفس الوضعية او تغيرت
عملتو و اجيت و انا صاعدة بالدرج الالام متواصلة و كتيرة و لما شافته امرت مني اصعد لطاولة الولادة و خبرتني الرحم محلول ب 6 سم و الالام متواصلة و كتيرة و بعدين تنقطع و الصراحة الدقيقتين لي تنقطع فيهن الالام يجيني نوم و ودي انام ههه و لما ترجع ياي كتيير و الله اظل رايحة للمرحاض راجعة للغرفة و احس انو البيبيهات خلص نزلو اروح عندون اقلهن ولدوني خلص تعبت يحكولي لسا يلا روحي امشي هون و انا من المي ما بعرف شو بسوي ما عدا اصرخ للاخر و ظليت هيك حتى لاخر مرة صعدتني للطاولة و خبرتني انو الرحم خلص انفتح و رح نبلش بالولادة ركبت الي السيروم و كمان جهاز قياس الطلق و بلشت بسم الله و امرت مني اساعدها لانون توام اتوكلت على الله و قلت يلا
بدات بالشق يا ويلي بس و الله من شدة الطلق ما حسيت للشق كتيير و بلشت تولدني و تقول يلا ادفعي ادفعي و انا صراحة كنت قوية وقتها و دفعت كويس و انا ما نسيت اخواتي المنتظرات الحمل بخالص الدعاء و للحوامل الله يسهلل الهم حتى ولدت جنى حبيبة قلبي و فرحت كتيير لما سمعت صراخها
و بعدين خبرتني الدكتورة ارتاحي و لا تتحركي رح ارجعلك و لما رجعت قالت لي دوري و انبسطي على جنبك الايسر و ارجعي دغري مثل ما كنتي عملت مثل ما قالت و بلشت بالاولادة بس كنت خلص تعبانة و ما قدرت اساعدها فوضعتلي 2 حقن مساعدة
و بفضلون رجعت كمان دفعت شوي بس رجعت فشلت لللاخر حتى صارت الدكتورة تصرخ ادفعي ادفعي البنت خنقتيها و مثل ما قلتلكم البنت هي الثانية خارجة بالارجل هي الاولى فلما قالت هيك رح تختنق اثرت فيني كتيير ورجعت دفعت بكل ما عندي لحتى خرجت رنا عيوني بس لما خرجت ما صرخت و لا سوت اي حركة لانها تعدبت كتيير و بعدين صرخت يا عمري
و بعدين اخدوهم و تركوني مدة رجعو مشان يخيطوني و يا ويلي وقتها عالخياطة كتيير مؤلمة بس الحمد لله
لما كملت الدكتورة حكتلي الف مبروك و وضعوني بالكرس المتحرك منشان يودوني عالغرفة و قالتلي قبل ما نخرج كيف اسميهم و سميتهم جنى ورنا الحمد لله
هي قصة ولادتي عقباااالكم