[MALAK2010]

ازيكم يا جميلات الامارات معلش اتاخرت عليكم فى الرد
طبعا انا كنت قولتلكم ان انا جبت بالونات وخليت جوزى ينفخهم ليا بصراحة صعب عليا علشان كدة جاب منفاخ بس كان شكلهم حلو فى البيت وكانت مبهجة
انا صليت العيد فى المسجد اللى جنبنا واتعرفت على واحدة ساكنة جنبى ما شاء اللة عندها 3 اولاد صبيان بقولها عقبال ماتجيبى بنوتة تقوللى ابدا عمرى ما افكر لانها بتبقى دلوعة ابوها ولما تكبر هتبقى درتى ههههههه يرضيكم كدة( خلاص هى حرة انا اللى عاوزة ياااااااااااارب)
ومشيت انا وجوزى على كورنيش البحيرة بس ما شاء اللة الناس كانوا كتييييييييييييييييييييييييييير خارجين من الصلاة ربنا يزودهم كمان وكمان
طول النهار طبعا بنتصل باهلنا واهلنا بيتصلوا علينا يهنونا بالعيد لان احنا فى غربة
(بس بصراحة انا مفتقدة العيد فى مصرعلشان اول مرة اعيد بعيد عن ماما وبصراحه هى وحشانى اوووووووووووى ربنا يباركلى فى عمرها وعلشان كل اهلنا كانوا بيجولنا الصبح يعيدوا علينا اما هنا مفيش حد )
العصر اتغدينا وكنت عاملة محشى او ملفوف مش عارفة ان كنتم عارفين الطبخة دى ولا لاء بس كانت الحمد للة رائعة كنتم تيجوا تاكلوا معايا (على فكرة ان شاطرة فى الطبيخ الحمد للة بشهادة حمايا ابو جوزى)
وبالليل رحنا دبي مول واجمل حاجة انك تحسى ان كل الناس بتعيد مش على اد المسلمين بس كل الجنسيات فى المول بتعيد (ربنا يفرح الجميع)
وكل سنة وانتم طيبين
انا عارفة انى طولت عليكم