Om Zahra
ان شاء الله مايكون الهيموجلوبين نازل لكن شوفي حبيبتي اذا كان نازل والشهية معدومة وماتحبين اللحوم الحمراء والكبدة في هالفترة كلي القرنبيط اللي نسميه الزهرة في خلال أسبوع بس يصير الهيموجلوبين فوق واذا ماتحبينه كلي الزبيب الأسود عن نفسي جربته ورحت حللت والدكتورة انبسطت من نتيجة التحليل ...
على فكرة مستشفى الرعاية (بروكير) في الخبر مقابل الظهران مول بصراحة هالمستشفى روعة
نآنآ غناتي مثل ماقالت لج ام فطوم لاتكثرين من الملابس لأنهم في هالسن يكبرون بسرعة
صدقيني بس يكمل النونو الأربعين بتروحين السوق وبتشترين ملابس جديدة
بروح بعد شوي أشوف موضوعج ياقمر
um fatima
ماشاء الله عليج صدق انج عسل مصفى وسوالفج أحلى من العسل غيرت لون الخط حتى يصير متناسق مع المنتدى
الله يخليلج فطوم ولاتعصبين ترى موزين للبيبي
تصدقين أنا حاطة أعصابي في الفريزر حقنا ماأبغى أعصب أبداً موبس عشان هالكتكوت اللي في بطني
لا عشان أرتاح وش بستفيد من العصبية عندي ولد مجنني ومطلع روحي وكنت أعصب لكن لما حملت صرت باردة مثل الثلج صرت مثل مايقولون ودن من طين ودن من عجين يعصب ويقلب الدنيا لوحده واذا شافني هادية ومو مهتمة يهدأ ويلعب ولاكأنه صاير شي ....
هذا أحسن حل راقبيهم والعبي معاهم لكن وقت لعناد والدلع والتصرفات الشقية لاتعصبين وتعانديهم يزيدوا أكثر ويتمادوا ..حتى في النوم قولي لها أنا بنام بتنامين نامي مابتنامين بكيفج صدقيني بتروح تنام قبلج حتى لاتصير لوحدها ,,,,
قرب يأذن الصبح بروح أصلي وأنام تصبحون على خير ونشوفكم على خير الله يعطيكم الصحة والعافية ويحفظكم وبيبياتكم يااااااارب بحق محمد وآل محمد الطيبين الطاهرين