منتديات حوامل النسائية - عرض مشاركة واحدة

Wasan, · 11-24-2013, 08:13 AM

اقتباس:

المشاركة الأصلية كتبت بواسطة بنِت النوُر

وسن خبري الكروشات بتجربتكمع المحرضات عشان نستفيد ...صحيح عوشرت لكن المحرضات تخووف بصراحه تاركتها ع ربي ...

كروشات الجدد منورات

منايرررر يامنايرررر حتا بالاحلام مسيرره علي هههههه ادخلي طمنينااااااااااا

الله لا يعيدها من أياام كنت بكريه وخايفه من الولاده وبلي اسمع عنه ... وسمعت عن دواء ينباع بالصيدليه يساعد الجنين ف الخروج واشربه كل ما احس بآلم الطلق وكنت مع الدوا اخذ ماء كف مريم واشربه على اساس انه يساعد على الولاده ويسهلها كنت ف بيت عمتي وقت الآلم الطلق وكانت تعطيني ورى بعض كل شيء تعرفه من المحرضات وشاي فيه قرفه وفلفل اسود ومادري شنو هههههه تقريبا من 7 سنوات هالكلام وانا من جهتي كنت اشرب الدواء اللي اشتريته ... لين نزل مني دم وخافت عمتي ورحنا على طوول للمستشفى الا وفاتح 3 سانتي وبنتي راسها فوق .. وانا اتألم بقسم الولاده وعمتي جايبه معها بشنطه بغرشة ماي صغيره ماي كف مريم وتقولي اشربي لحد يشوفك من الممرضات ولين كرهت نفسي لاني طولت وااايد وقلت لعمتي خلاص مابي والحمدلله قلبت بنتي بسبب اني كنت امشي بالمستشفى ولما اتآلم اوقف ولما يروح الآلم اكمل مشي ... بس وقت الولاده تعسرت معي ولا قدرت ادفع عشان تخرج وكنت ابكي واستغفر واذكر ربي وعمتي تذكرني بهالاشياء لين قالوا لي بنسويلج طلق صناعي لان مو راضي يفتح اكثر كان فاتح 6 او 7 لفتره طويله كنت اصارخ واشد شعري واستشهد :'( .. الحمد لله خرجت لكن تخيطت خياطه كبييييره ... بالعربي المحرضات ما جابت مفعوول ...

عكس ولادتي الثانيه من غيرر محرضاات تسهلت كنت بس امشي واذكر ربي مع الآلم ولما وصلت المستشفى كنت بولد بشارع لان كنت احس براس بنتي بيطلع .. وخذوني بكرسي متحرك ولقوا معي فاتح 8 ونص سانتي وراس بنتي طالع والحمد لله تيسرت من غير محرضات ولا خياطه والحمدلله .. ويااا رب هالمره تتسهل مثل المره الثانيه ...