حبيت اضيف حاجة ..
تراه حتى الغربيات يحطون مكياج ثقيل ؟
بتقولون كيف؟
الاساس عندهم تراه عدة طبقات ..انا شفت بنفسي برامج ويمكن الكثير شافوا خطوات وضع الاساس عند بعض المشاهير وانه حتى كريم الاساس تبعهم يعملوا من الشركة على حسب درجة بشرتهم ...! يعني عشان يبان طبيعي ..
انا اشوف ان الفرق بينا وبينهم هو في مكياج العيون وتراه مو في عدد الالوان وانما في ماهية الالوان ؟
يعني هم بيحطوا الوان ترابيه وهادية ام الشرققين بيركزوا على الالوان الفاقعة او الواضحة من بعيد...
وهم احنا كشرققين نركز على الكحل ثم المسكره ..
بينما الاجانب بيركزون على المسكره ثم المسكره ثم المسكره ..
انا شفت فيديو على اليوتيوب ..كيفية وضع المسكره عند الغربيين والطريقة جدا تطول .يحط مسكره طبقه اولى وبعدها طبقة ثانية وبعدها يحط من بودرة الاساس عشان تثخن الرموش ويعيد الكره مرة ثالثة مسكره؟
شفتي شقد اشتغل عالرموش ؟ بس رموش؟
اما احنا بنركز على الكحل والرموش نمر عليها مرور الكرام .
الخلاصة اللي ابي اوصل لها :
ان الفرق بينا وبينهم ليس في الكمية وانما في النوعية والكيفيه...
يعني مانقول على وجيه العرب كيلوا والغرب ربع ..
لا هم بعد كيلو او كيلوين و..
ولكن ؟
كيف تم وضع الكيلوين بطريقة تبان انه مافي شيء...
اقرب مثال :
اوبرا ..
شفت حلقه عن استعدادها لبرانامجها وكيف وضع مكياجها ...
شفت فيه العجب العجاب ؟ كم حطوا على وجهها؟ وكيف كانت بشرتها؟ وكيف صارت...