ملاك : حلوه فكرة العيد ، عن نفسي اول يوم العيد قمت وتغدينا ولبسنا العيال وانطلقنا الى العين عند اهل زوجي عيدنا عندهم وبتنا هناك وثاني يوم توجهنا صوب الامارات الشماليه وقضينا باقي الاجازه هناك ورجعنا يوم الاحد الى قواعدنا سالمين :)
اما بخصوص المضاد الحيوي فللاسف ما عندي فكره عنه!
الودود: عن نفسي جربت الولاده في مستشفى الرحبه بعد من خمس سنوات ، وكانت تجربه لا باس فيها وعنايتهم كانت جيده الى حد ما ، وحاليا لاني غيرت مكان سكني فصار مستشفى الرحبه مش قريب وايد علي لهالسبب اخترت الكورنيش، اما عن المراجعات فـ عن نفسي اراجع في عيادة خليفه أ الصحيه والعياده ممتازه وانصح فيها، حاليا انا في شهري الثامن واراجع عندهم من حوالي الست شهور وعنايتهم جدا جيده وبتم اراجع عنهم الى اخر لحظه حتى لو كنت في التاسع لان العياده وايد قريبه من بيتي فاسهل لي اني اتم متابعه معاهم لين اخر الوقت.
يلا استوينا 4 من بوظبي ..الله يزيد :)
ام منصور: انا نفسي خذت تحويل لمستشفى الكورنيش وحاليا بانتظار انهم يتصلون فيني عشان الموعد، وهاي بصراحه بتكون اول مره لي عندهم واتمنى انها تكون تجربه جيده معاهم والرحبه فعلا مستواهم حلو بناءا على تجربتي الشخصيه بس اللي اسمعه بعد ان الكورنيش افضل منهم لانهم متخصصين ولهم الاقدميه بهالمجال.
دلع: حياج الله بيننا الغاليه ، والله يتمم لج على خير يا رب، بس ما خبرتينا انتي معانا بس من اي اماره؟