السلام عليكم جميعا
حياتي تؤامي ،جمانه، سوسو الحلوا و باقي اعضاء هذا التجمع
انا بكتب ايش حصل معايه من وقت ما انقطعت عن التجمع
اخر مره كنت معاكم كان لما جاتني الدوره مرتين بنفس الشهر و كنت اتعالج عن الالتهابات و قرحه الرحم و الحمدلله شفيت منها و طبعا ذا الشهر ما اخذت تنشيط ونزلت الدوره بموعدها
رحت للدكتوره و كتبتلي كلوميد 3 حبات باليوم من ثاني يوم بالدوره لمده 7 ايام و الحمدلله كان فيه بويضات اكبرهم حجمها 19 فرحت
فاعطتني ابره تفجيريه 10000 و بعد 14 يوم حللت منزلي و طلع سالب وقتها اتحطمت و قلت لا لازم اتاكد بالدم زوجي قال نستنى احسن لما تتاخر الدوره لو يوم و كان اصعب شي الانتظار اتاخرت الدوره نص يوم و قلت ان شاء الله حامل بس لا
نزلت الدوره بالليل و الحمدلله على كل حال وقتها لان املي في الحمل كان كبير جدا احطمت لما نزلت على قد الامل
رجعت للدكتوره و كتبتلي على كلوميد مره ثانيه بس من 3 يوم حبتين باليوم لمده 7 ايام و قلتلها بسوي اشعه صبغه لاني حاسه انها مسدوده خاصه انه كان عندي التهابات من قبل قالت خلاص تعالي بعد نا تخلصي من الدوره بيومين و نعمل الاشعه بس استعملي الكلوميد لا توقفيه
رحت بعد الدوره و سويت اشعه الصبغه و زي ما اتوقعت الانبوبين مسدوده و قالت نحقن الماده مره ثانيه و ان شاء الله هالمره تنفتح
و الالم الله لا يوريكم كانها ولاده و الحمدلله انفتح الانبوبين و كل شي سليم
رحت و قالت تعالي يوم 11 من الدوره عشان نشوف التبويض رحت و لقيت بويضتين ما شاء الله وحده 19 و الثانيه 21 و نص فاعطتني ابره 5000
قالت الجماع 3 ايام وراء بعض و بعدين يوم و يوم و لازم ارفع الحوض بعده و ارفع رجولي لمده ساعه سويت اللي قالت عليه بالحرف الواحد
يوم 14 من الابره سويت تحليل منزلي و طلع خط خفيييييييف و نزلت موضوع عنه رحت يوم 15 من الابره للدكتوره ة خليتها تشوف التحليل فقالت نسوي تحليل دم عشان نتاكد سويت و طلع سالب و انا خلاااص دموعي على خدي فقلت الحمدلله قالت برضه استخدم كلوميد بعد ما تجي الدوره من 3 يوم للدوره حبتين باليوم طبعا الدوره موعدها بكره فطلبت من الدكتوره تعيد تحاليل الهرمونات بيوم 3 من الدوره عشان اتاكد ان كل شي تمام لان اخر مره سويت هالتحاليل بشهر 5 السنه اللي فاتت و بمستشفى حكومي اللي انا ما اثق فيه ابدا
ان شاء الله يارب يطلع كل شي سليم ادعولي اخواتي
و يا رب هالمره احمل و انتوا معاي
بنات معليش طولت عليكم ،،، كتبت قصه حياتي ههههههههه
بس لازم تعرفوا ايش حصل معايه و اعرف ايش حصل معاكم على اساس نكمل مع بعض في هذا التجمع الرائع و تابع اخبار بعض و نساعد بعض و نسمع الاخبار الحلوه عن قريب با رب
يلا كل وحده تقول ايش اخر اخبارها