مرحبا حبوبات الله يفرحكم يارب وماتشوفو الدورة إلا والبيبي معاها كامل الخلق والخلقة يارب أنا متزوجة صار لي خمس سنوات الحمد لله دورتي منتظمة 28 من يوم بلغت ولما إلتحقت بزوجي بالغربة حملت بعد سبع شهور وحملت طبيعي بس للأسف ماإكتمل ومن يوم عملت التنضيف صار الحين ثلاث سنوات والزيادة كل فحوصاتي أنا وزوجي سليمة عملنا كمان فحص الجينات وعملت أنا الصبغة بعد التنضيف بسنة وكانت سليمة كل شهر بحس بالتبويض من إرتفاع بالحرارة لأني بقيسها دايما وكمان الإفرازات بتاع التبويض والوجع بالمبايض حتى صرت بعرف المبيض إلي بيكون فيه البويضة أحيانا بيكون الألم فيهم إثنيناتهم ومن غير هيك عملت التلقيح أربع مرات آخر مرة كانت في ذي القعدة وأسرعت شربت بيوم الدورة مسكنات ومسخنات كان عبالي إنو إفرازات دورة بس يمكن سببت لحالي بالإجهاض والله أعلم
والتلقيح بعمله لأنه ماوجدوا مانع يمنع الحمل إقتربت للإكتئاب صراحة صار عمري خمسة وعشرين والعمر بيجري والوسواس قاهرني وحيدة بالغربة ومابعرف إيش أسوي الله المستعان بحاول أروح لبلدي وأتابع مع دكتورة هناك عالأقل أفضفض لها بلغتي وكل إلي بداخلي وأقلها مابدي التلقيح، هون عطول التلقيح زهقت وموعدي بعد ثلاث شهور لخوض عملية الأنابيب إلي قاهرني ليش كل شي سليم وماقدرت أحمل طبيعي عندي ميلان بسيط بالرحم وحاولت أفضل عوضعية السجود نصف ساعة وبتمنى الفرج من ربي
باقي عدورتي يومين أو ثلاث أيام اللهم إرحمنا يارب
كل عام وأنتم بخير حبيباتي السموحة طولت بس مع إقتراب الدورة دايما بيصير عندي ملل ونرفزة حتى قبل لاأتزوج بس مع إنتضار الحمل زاد الطين بلة اللهم لاإعتراض
هالشهر ومن يوم التبويض بحس بثقل بالمبيض اليمين لأن هذا الشهر كان دوره بالتبويض لأن الشهر إلي قبله كان المبيض اليسار بالإيكو ومن يوم التبويض لساتني بحس بالثقل مو نفس ثقل التبويض بس أخف والأسبوع الماضي كنت ماقدرت أتمشى ولما ضغطت عليه صرخت صراحة أول مرة أحس هيك أنا مابعاني من تكيس اللهم إجعله خير