مساء الخير لكم ياكروشات بعد غياب كم يوم ماشاءا الله الصفحات كثيرة ماقدرت الحق اقراها بقول لكم وش صار معي
انا رحت اشوف نتيجه تحاليلي بالمستشفى الي بولد فيه ان شاء الله وهو مستشفى اول مرة ادخله لانة متابعتي كانت في مستوصف المهم .. طلعت تحاليلي الحمد لله زينة بس طلع معي تكرمون بداية التهاب بالبول وبداية التهاب بالمهبل .. واخذت مني الدكتور مسحه من يومين .. ولا عطتني علاج خلتني بحكتي وحساسيتي قالت بعد اسبوع تطلع النتيجه واحتمال تحتاجين مضاد حيوي لك وللطفل اذا انولد انا هنا جاني خوف .. وقهرتني انها ماعطتني شي موقت الين تطلع نوع نتيجه نوع الالتهاب .. ثاني يوم ماجاني نوم رجع لي الالتهاب يخف ويرجع المهم انة رحت لدكتورتي القديمة الي بالمستوصف الله يسعدها ويريحها زي ماريحتني .. اول مادخلت لها قالت لي انتي بنص التاسع ع حساب السونار .. انا هنا خفت وقلت لها عن حساسيتي قالت شي طبيعي بهالوقت يصير لكثير نساء التهاب على طول عطتني علاج 3 تحاميل بعلبة وحده ومرهم مضاد وغسول وانس جربت اول تحميلة والحمد لله تمام وطمنتني انة هالشي ما ينتقل للطفل ..
ثاني شي الدكتورة الي بتولدني خوفتني بموضوع الطفل انة معترض ع الورك واني لازم اخفف وزني ولازم الطفل يثبت ع حجمة ولا ترا بتولدني قيصري
لما قلت هالكلام حق امي والدكتورة الي بالمستوصف زعلوا كثير قالوا كل شي طبيعي لية القيصري بس لازم تمشين من نص ساعه الي ساعه وتحرك كثير .
والحمد لله بديت امشي امس وقبل امس وحسيت الالم الي كنت احسة قبل المشي بالاوراك وانا نايمة رااح ربي لك الحمد يمكن من الحركة ..
لكن يابنات بعدها احس حركة الطفل قوية من تحت احسة بيطلع لدرجه انة تنزل دموعي من الالم << هل هذا طلق ولالا
والي قد جابوا اطفال قبل سؤالي لكم ؟؟
الطلق هل هو حركة الطفل بعنف لحد مايطلع ؟؟
او
الطلق هل هو تقلصات بالرحم تدفع الطفل انة يخرج ؟؟
ياليت تشرحون لها ايش هو الطلق لا تقولون لنا زي الم الدورة ومدري ايش اشروحوا لنا بليز
^^^^^^^^^^^
هذي قصه غيابي هاليومين