السلام عليكم ورحمة الله وبركاته
كيف حالكم كلكم كلكم ليكم وحشششششه
إثري اهلين ومرحبتين آنستي وطيب فيكم اللي كملتوا عرسكم على خير ألف ألف مبروك وربي يهني
نبي نسألك معليشي سمعت إنه صلاة المراة بدون جوارب لا تصح صح زعما؟حي عليا والله مانلبس فيه وقت الصلاة
سوسو شن الأخبار صحة الحنة والحلوة سفهتوني بالحلوة تصوري ليا سنة ونص مانعرفش حاجة اسمها حلوة لأني الحق مانعرفش لا نطيبها ولا ندير بيها زمان كانت اختي تديرلي فيها واول ماجيت اهني حصلت بالذات الايام الاولى مرة ندير بالموس ومرة كريم بعدين شريت شرايح فيت الشمعية ومشوا معاي لكن قريت انهم مش كويسات للحوامل في الاخير شريت ماكينة براون لكن والله ماارتحتلها الحلوة انظف وانعم غير الله غالب مافيش حل
جيجي امولة قاعدين تكركروا ربي يسهل عليكم ويقر اعينكم بشوفة بنياتكم قريبا يااارب وتنوضوا بالسلامة
شموسة ماشاء الله مبارم ماشريتي ربي يهنيكم ويبارلكم في حوشكم الجديد ويكون عتبة خير عليكم
فروسة ياغالية شن اخبارك هيا وتي روحك ان شاء الله جيجي وامولة يجيبوا بالسلامر من اهني احني نشدوا التوكة من اهني ههههههههه خلاص بنياتنا كبروا وولوا عرايس والا شن رايك ههههههه
وبالنسبة للإشراف ايه اكيد نبي ننسحب اريح الحق خير مانقعد نخمم كل يوم وضروري نخش وهالايام الاغلبية مشغووولة ومانخشش ديما
جنودة شن اخبارك واخبار دراستك شن جوك تعودتي على الجو والا مازال وبالنسبة لفكرة الكبوط فوق الجلباب والله الا مدايرتها قبل اني هههههههه الحق زوجي مش موافق نلبس سروال او قونة مع كبوط حتى لو لتحت الركبة شن مندير منموت من الصقع لبسته فوق الحلباب وخلاص وفكرته جت حلوة وجديدة جربي والله الا عادي اهم حاجة تدفي واحسن حاجة اانه الاجانب ما يهتموش ولا يعلقوا عاللبس زي الليبين والله البسي اللي يريحك وماتعدلي وحتى فكرة الكيب فوق الجلباب
حلوة هلبة نشوف فيهم يديروا فيها بالذات السوريات والفلسطينات
ام نوزة وينك مختفية شن اخبارك ليك وحشة
اوشي وحشتينا ياغالية ان شاء الله تآنسينا قريبا