[صبورة]

المشاركة الأصلية كتبت بواسطة samasim

صباح الخير لبنات واش راكم ...يارب تكونو بخير ...شكرا على النصائح المفيدة ...انا اليوم راني احسن وصدقوني الهدرة تخلي الواحد ايولي لعقلو شوية ....ربي يهدينا ويفرج اعلينا اجمعين
صبورة صحيتي حنونة بزاف بزاف بزاف
قوليلي ...واش درتي مع اختك تفاهمتو اذا صح تمدلك البيبي والا كما قلتي يمكن ادور في رايها

سماسم ماشاء الله حبيبتي..هكداك نحبك تكوني متحسنة في كل شي..الله يجعل عشرة طيبة و محبة قوية بينك و بين راجلك..و يرزقكم بالذرية الصالحة..
اما اختي ربي يكون في عونها و يتمم لها الحمل و الولادة على خير..هي قالت نمدولها اذا جاني طفل..بصح مانظنش تمدهولي على خاطر في هادوك اليامات كانت مقلقة..و يما قالت لي ماطمعيش روحك يا بنتي الكبدة صعيبة..لما تولد راهي تدور في رايها...

المشاركة الأصلية كتبت بواسطة أمة الرحمان السلفية

اهلا بيك اسماء كيفاش راكي انا رني في حالة وزدتني الظرسة وراسي ربي يستر

امة الرحمان
حنونتي اختي ..راكي غايضتني..من مرض لمرض كيما حالتي..الله يشفيك و يحرق اللي راهوا يعمل فينا هكدا..ان شاء الله ماجورين على هاذا التعب..

بسمة الف مبروك الله يثبلك الحمل 9 اشهر كاملة وتفرحي بالكبيدة انتاعك..

الله يبارك ماشاء الله لبنات اللي اجهضوا من قبل كامل راهم بالحمل..العقوبة لامومة انت و امة الرحمان ربي يعوضكم في اقرب وقت ان شاء الله..الله كريم رحيم.
و احنا المتخرات فالحمل الله يفتح حزامنا كامل يا رب و نذوقوا الوحم و الحمل..

عبير الف مبروك الحمل..راكي ماضيعتيش وقتك الله يبارك عندك الحق..الله يكون في عونك مع الحمل و البنيتة انتاعك صغيرة..

ام بلقاسم الحمد لله على سلامة وليدك الزوين..الله يحفظوا من كل شر و يخليه لك قرة عين ليك..
امومة اختي واش راكي..عيد ميلاد سعيد لبنت اختك عقوبة ل100سنة ان شاء الله في طاعة الرحمان و الوالدين..

جومانة نور واش راكي عزيزتي طلي علينا توحشناك..

مريم حنونة وين راكي غايبة ماشي عوايدك ادخلي طمنينا عليك..حتى نور الهدى غايبة يا رب المانع خير..

اسماء واش راكي ..يا رب تكوني بخير..

نور اليقين واش راكي يا رب تكوني بصحة و عافية..

منيرة واش راكي الله يرزقك الشفاء عن قريب..

اميييرة يا امييرة وين هربتي ..توحشتك موووت واقيلا ندى خطفاتك علينا..ادخلي طمنينا عليك و على بنتك.
وصال الزوينة وين راكي..ماراكيش تباني ارواحي حكيلنا جديد انتاعك..
غربة الايام راكي في بالي مانسيتكش طمنيني عليك..
لمياء بسومة غربة الايام اترج باربي و باقي لبنات يا رب تكونوا بخير..




اما حكاية السكايب صراحة مادخلتش في راسي ..انا نحب تجمع المتاخرات عن الحمل على خاطر نحكي فيه على همي و نسمع فيه هم و معاناة و اهات كل وحدة متمنية ونس الدنيا و مانخرجوش فيه على الموضوع و ديما نكنترولي روحي في الكلام اللي راح نكتبوا..هذا رايي و ماتزعفوش مني..