اول شي السلام عليكم بنات منتدى حوامل
هي الأكلة شامية .. و تنفع للدايت
الخطوات::
قطعي كوساوباذنجان مكعبات+بندورةقطع صغيرة
اقلي لحمة بدون دهن+ملح وبهارات وفلفل
نزلي الكوسا أول الشي
ونزلي الباذنجان بعد ما تذبل الكوسا شوي
نزلي البندورة فوقهم
تركيهم على نارهادية لتستوي وتتعقد البندورة
بعدين حطي نعنع جاف+ثوم مدقوق
وخليهم يغلو شوي ليشربوالنكهة النعنع والثوم
وقدميها مع فليفلة صفرا للزينة
هي أكلة بتتاكل بالخبز وبيتاكل معها فليفلة
يمي يمي كتير طيبة وخفيفة
صحي في غنية بغنوها النسوان الشوام عن طباخ روحو :
مطلعها : (( طباااخ روحو ما بحبو و لو سكبولي لــ كبو )) ههههههه
ناطرة ردودكم الحلوة متلكم