[سهام فرنسا]

المشاركة الأصلية كتبت بواسطة alma021

مادابيك سهام اختي قوليلي شحال راني متمنية ناكلها

تحبي نعطيلك العجينة و لا غير كيفاش ديريها على خاطر راهي تتباع واجدة هههه
المهم إذا تحبي العجينة
ديري الدقيق و الملح و الماء هذا ماكان و تعجينيهم ملييييييييييييييييييييييييح و ركزيلي على ملييييييييييييييح ههههه بصح ماتكثريلهاش الماء كيما تاع المحاجب و ديريها دوائر و خليها تستراح قد ماقعدت جيك ساهلة في الطياب



و من بعد طيبيها في الطاجين



و خبيها في شكارة باش ماتيبسلكش و قطعيها بضفرك قطع صغااااااااااااار و حطيها تيبس مليح و خبيها

و على المرقة تاعها حنا السطايفية نديروها هكذا
دجاج قليه في شوي زيت م عالبصل و الثوم و زيدي الملح و الفلفل لكحل و الأحمر و طماطم مصبرة و كسبر بودر و قليهم مليح من بعد مرقيهم و ديري الحمص مشمخ و خليهم يطيبو
و الشخشوخة وجديها كيما الكسكس يعني ديريلها شوي زيت و حطيها تفور ومن بعد زيدي عاوديها بشوي ما و حطيها تفور و عاوديها حتى تولي طرية و كي توجد نحي شوي مرقة في كاسغول و ديري الشخشوخة داخل و جمريها يعني خليها تغلي حتى تبدا تنشف شوي و زيديلها الزبدة و بالصحة و الهنا



و راكي سخفتيني فيها و ضك نديرها للفطور هههههههه