[أمة الرحمان السلفية]

المشاركة الأصلية كتبت بواسطة ام بلقاسم الجزائرية

ايليك صبورة قصة امي بغيت نحكيهالك قبل ما نروح لدارنا
انا ماما كانت متزوجة بابي 20 سنة على الحلوة والمرة وكان بويا صعيب وعاشراته مسكينة والخرجة ممنوعة الا في دارهم ومين يديها مسكينة مايقوللهاش وينت نجي نديك وهي من كتر لي تخاف المشاكل معاه تروح ماتخرج حتى لبلاصة تقعد تستناه ولما مرضت في البداية حكمها السل ولما حست بروحها غير فالزايد قالتله راني مريضة اديني للطبيب تصوري واش قاللها حتى نهار لي نكون قاعد وصبرت وما بغاش يديها حتى نهار الي طاحت فالدار رحت عيطت انا لخوالي جاو الدواها مسكينه ولما داوها عند الطبيب صابها حاله قراف كتبلها برية للسبيطار تعرفي الاب التاعي له لا يدكرو على خير سب خوالي وقاللهم خرجتوها بدون ادني وتزيد جداتي مع ولدها كانت تستنى فيها باه تشعل النار قالتله نخطبلك ونزوجك فرح هو بهادا الراي الشباب الي طاتهلله امه الملعونة وقرر يطلق ماما بحجة المرض وبلي خرجت بلا بيه حسبي الله ونعم الوكيل فيه مسكينة ماما كانت تداوي فالسبيطار ولما خرجت صابته خطب وباغي يتزوج وفعلا تزوج ودخل علينا المر انا وخوتي وكنا شوية صغار انا كان في عمري 16سنة ومن بعدها بقات ماما عند جداتي ولات تسمع بلي رانا ماشي مريحين عنده ومع زوجه ابي قالتلنا ارواحو عندي ورحنا عندها شقات مسكينه باه كبرتنا ولاب التاعي كلالها حقها معيات تشرع فيه وما داتش حقها وهو خرجها من الدار الي بناتها معاه ودار فيها مره اخرى وجاب منها دراري ونساها ونسا حتى حنا ولاده ومن ديك الساعة حكمها السكر وراهي تعاني حسبي الله ونعم الوكيل فيه

ام بلقاسم الله يشفي امك حنونة وان شاء الله تاجر علي المرض وصبر وتدي حقها في الجنة وهو ياولو وين يروح من عذب الله وعدل بين زوجات واولاد ماتخميش حنونة ربي يخلص لامادا حقو في دنيا يده في الاخرة دعوة المظلوم ليس بينها وبين الله حجاب ربي يهديه ويشفي امك شيفاء عاجل