[احلى شيء الاموموة]

المشاركة الأصلية كتبت بواسطة صبورة

اميين يا رب العالمين..
صدقيني شعور متبادل...و مانسيتكش...كنت في بالي...
..الله يعطيك ما تتمناي...
نحكيلكم قصة اختي..كيما تعرفوا هي مريضة..و فالايام الاخيرة انتاع رمضان..عرفت روحها حامل ..قريب هبلت..و بقات تجري من طبيب لطبيب..و من مدينة لمدينة باش تجهض اجنين قبل ماتخلق فيه الروح....و الاطباء هاذا يبعث فيها لهاذا...و كاين اللي تفاهموا معاها على الاجهاض ووجدت الدراهم..و عطاوها الموعد..و راحت و لقات الطبيب مسافر..من بعد الاطباء نتاوعها خدمولها دوسي باش تدخل لسبيطار و تجهض الجنين..راحت قالولها لازم يشوفك البروفيسور و هو كونجي و يدخل في3 سبتمبر..و هي قعدت في حالة مايعلم بها غير ربي..و راج ضد الفكرة...بصح كان يروح معاها عل خاطر شافها فالحمل الثاني واش صرالها...من بعد لحقت 3 سبتمبر و راحت..زادوا اعطاولها.موعد في 18 سبتمبر و الجنين راه يكبر...و لما راحت للبروفيسر و شاف حالتها..وافق و اعطالها موعد في يوم الاحد الماضي..و لما راحت مع راجلها و دخلت وكملت اجراءات الدخول..قالت لراجلها دركا نخرج مانطيحوش..راجلها قاللها قريب هبلتينا معاك و كي لحقت للصح راكي تراجعتي..ومن بعد بيوين عطاولها حبة كاشي من تحت حاشاكم باش تفتح الكول...و سبحان الله مانفتحتش...من بعد الصباح مرضت حاشاكم القيء و الدوخة من تاثير الدوا .حطولها السيروم...من بعد كرهت السبيطار و مرضت و احكمها الخباط في قلبها..و تعيطلنا و تقولنا حابة نخرج..مانطيحوش..نخليه..من بعد قالولها نزيدولك حبة كاشي مع ابرة باش يطيح..و سبحان الله جاو 2 بروفيسور عملولها ايكو غرافي..و قالولها مفاجاة راهي حامل في قريب 4 اشهر...و هي حاطة شهرين نصف...كانت جاتها الدورة 2 مرا ت و هي حامل...و قالولها راهوا في صحة جيدة..و تاثرت و رجعت تبكي لما شافتوا..و قالولها اختاري الان اما تجهضيه او تخليه ...و قالتلهم ياك راكم عارفين حالتي مريضة...شجعوها و قالولها بقالك 5 اشهر فقط..و نخدمولك دوسي تبقاي تحت الاشراف انتاعنا حتى وين تولدي بالسلامة...ارادة الله فوق كل شيء....خرجت من السبيطار فرحانة...و كامل العائلة فرحت البارح..و قالت لو كان يزيد طفل تعطيهولي.و لو كان طفلة تخليها عندها لانها ماعندهاش لبنات..

صبورة والله ربي عالم بمحبتك في قلبي ...وان شاااء الله نسمعوا على بعضانا غير الخير...
قصة اختك مؤثرة جدا ...الواحدة منا تعتبر منها وتعلم بللي ارادة ربي فوق كل شيء وقل لن يصيبنا الا ما كتب الله لنا...عسى ان تكرهوا شيئا وهو خير لكم وعسى ان تحبوا شيئا وهو شر لكم....ربي يتمم حمل اختك على خير ويرزقها الصحة ويقومها يالسلامة ان شاااء الله ...وربي يفرحك ويرزقك صبورة اختي.....ما تلومنيش كي نلوم عليك راه ما يلومك غير الحبيب.... لي يعزك ويبغيك....