خويا درك دخل من برا جابلي معاه كيت كات،،،، و الله فرحني، على خاطر البارح شفت اعلان عليها في التلفزيون قلتلهم شحال راني متشهية كيت كات و مسكين تفكرني و جابهالي،،،،،،ربي يحفظو،،،
لوكان تشوفو ما عندوش الزهر شراولو دارنا طوموبيل كليو 4 مسكين غير خرجها من لاميزون عشرة ايام دخل فيه كاميون كرفصلو كامل لاريار يسود سعدو و درك راه في خمسة اشهر و هي مكرفصة على خاطر مالقاش اريار تاعها تنباع " لا مال " تاع الطوموبيل ، و زيد موراها واحد البهيمة تسكن في حومتنا قاستهالو كرطتها كامل،،،،، اتخيلو كل مل يغسلها تصرالو حاجة فيها ، ارجع حلف قالك مانزيد نغسلها ههههههه ضربت قريب ثلاثة اشهر ماغسلهاش و الا حتى مسحها والو امالا خالي نهار الجمعة غسلهالو رجعها تهبل العشية هذيك كان جايب اختي اميرة من عند خالتي تسكن في عين بنيان قالتلي اختي احنا نمشو في امان ربي و يدخل فيهم واحد polo زاد ندبلو للبارشوك ، اختي قالتلي غير دخل فينا السيد خويا عيط و قال" قلتلكم مانغسلهاش" هههههه مسكين اميرة اختي شبعت ضحك هههههههه والله راه غايضني طوموبيل ما عندهاش ستة اشهر راهي مزنجرة كامل راه قطعلي قلبي بصح نحمد ربي و نشكرو اتجي في الحديدة و ماتجيش فيه،،،، كيما الكاميون اللي دخل فيه قاللنا ديرابا و خويا مسكين ما فهم واللو سمع غير الحس تاع الفران و خبط في خويا الكاميون قريب قتلو ،،،،، ربي يعوضو و يحميه و يحفظو يا رب،،،،،،،