فرفوشة , أفنان ، أم قطب الدين و سكون الفجر
الله يسعدكم دنيا و آخرة
قد آيش فرحني سؤالكم و إهتمامكم
الله يبلغكم الفرحة بأطفالكم تشوفوهم في أعلى المرآتب دايماً
أبشركم انا اليوم رحت للدكتورة و قالولي جاها ظرف طارئ
بس عندك موعد للأشعة عشان تتطمني ع البيبي و نشوف صحته
و أجلو موعد الدكتورة للسبت
المهم ، رحنا للأشعة و جات الممرضة قالتلي انا ح اسويلك تصوير و بعدين تجي الدكتورة تكتب التقرير
قلتلها طيب
جلست و فتحت الآلتراساوند و انا قلبي طاااااير
قالتلي دا اول بيبي ؟! قلتلها ايوا
قالت تبي تعرفي جنسه ؟! قلتلها أكيييييد
قالت بنوتة
انا طررررت جداً من الفرحة
و بعدين قالت دحين ح تجي الدكتورة و تكشف قلتلها طيب
جات الدكتورة و بتتكلم انجليزي مع الممرضة تحسبني ما أفهم ههههههه
قالتلها قلتيلها انو ولد ؟! قالتلها الممرضة لا انا احسب بنت
الدكتورة طالعت فيا قالتلي لا تصديقها دي الهبلة هههههه لسه متدربة ، انتي عندك ولد ما احلاه ماشاء الله و وضعه ممتاز ماشاء الله تبارك الله
قلتلها طيب وريني كيف شفتي قالتلي كمان مو مصدقتني ههههههههه
قالت يا حياتي تقدري تجهزي على نووور واضح انو بيبي بوي ماشاء الله
مررررة كانت الدكتورة طيبة و حبوبة بس للأسف هي بس دكتورة اشعة
معليش حكايتي طويلة بس من كتر الحماس ما قدرت أقلكم جنسه و بس ، حبيت أشارككم فرحتي فيه
و الله يفرحني فيكم انتو كمان و تجو تبشروني .gif "hwaml13")