كيفكن بنات
شكرا حبايبي وانشالله تقومو بالسلامة وتشوف كل وحدة البيبي بحضنا
قصة ولادتي ...صار جماع بالليل يوم الخميس وطول الليل تنزل مني افرازات متل المي ماتوقعت ولادة
فقت الصبح وصار عندي اوجاع متل الدورة خفيفة بس بظهري تجي وتروح
ضليت هيك للظهر نزل مني دم خفيف متل الخيوط مع افرازات وضلت الاوجاع طول النهار بظهري لاتقوى ولاتخف
دهنت ظهري بزيت زيتون دافي وعملت شاور دافي وركزت ع ظهري صارت الاوجاع تقوى شوي
الساعة 1 بالليل رحت للمشفى طلع عندي توسع 1سم خلوني بالمشفى وكل شوي تقيس التوسع يطلع بس 1 سم
للساعة 1 الظهر صار عندي 4 سم والاوجاع تزيد وتقوى تركوني لوحدي بالغرفة اصرخ من الالم
للساعة 3 الضهر حسيت شي طق ونزل مني فورا مي مقدار كاسة تقريبا والاوجاع تزيد وتقوى وهادا كلو وانا ونايمة
عاتخت وماحدا جنبي قمت عن التخت لقيت دم وصار ينزل على رجولي خفت كتير طلعت برا الغرفة وصرت اصرخ
اجو لعندي فحصتني الدكتورة قالتلي رح تولدي كان التوسع9 سم وفورا نقلوني ع صالة الولادة والساعة 3 وتلت اجا احلى امير بالدنبا
هي قصة ولادتي ......طبعا يابنات انا ولادتي تعسرت كتير بس بدي اقلكن لا تخافوا لان الوجع محتمل
كان كل مايجيني الم افكر اني رح شوف حبيب قلبي الي نطرتو 9 شهور
وكنت اكتر شي خايفة منو شق العجان صدقوني ماحسيت في ابدا
وانصحكن نصيحة لا تدفعو اذا ماقالتلكن الدكتورة
من طقت مي الراس حسيت نفسي لازم ادفع بس كنت اتحمل لحتى قالتلي الدكتورة
ولما اجا البيبي وحطيتو بحضني نسيت كل الوجع ولا كأنو صار شي ابدا
انشالله الله يهون عليكن ياحلوين وتقومو بالف سلامة انتو والبيبي
لا تصدقو كلام البنات الي بقولو الولادة متل المنشار وموت ومابعرف شو
انا ولادتي كتير تعسرت وكتير كانت صعبة بس كلو محتمل بس بدا التوكل ع رب العالمين وشوية صبر وقوة
دائما قولو كلمة خلينا نكون اقوى من الوجع وشوفو كيف بتتحملو