[هدية الخالق]

المشاركة الأصلية كتبت بواسطة جوهرة ليبيا

السلام عليكم ورحمه الله وبركاته

كيف حالكم كلكم

كلكم راقدين

علي سيره هدايه علي اثار الحرب العالميه منو عندها طريقه او وصفه تخفيهم لاني في حوش بوي نقعد اغلب اليام بوشاح اعيييييييت ونتحشم نمشي وخايفه موت

ومع الحمل صعب يمشو بسرعه


المهم





انا من ساعتين روحت من العرس لبست قفطان موديل حلو وراقي عنابي والتول بيج ورقبه وحواشي الكمام ذهبي وخراص ذهب طوال


مكيجت وتسريحتي ذيل حصان ونفخه في القصه غيرتني هلبه وامشيت الجو حلو وهادي نوعا ما


ورنوده دارت اللازم حبيبت امها

غدوه ان شاء الله يوم متعب مزين وسبوع اختي وسهريه العرس وام العروسه تبيني انبات وراجلي مايبيش لكن نعرفها خالته تو تكلمه

فاحتمال انبات


عندي بيجامات جديده راقيه ومستوره وناعمه وعندي لبسه خفيفه للصبح ويستر الله كل شن ربي كاتب

بنلبس غدوه هندي



توه بعد الدوش المنعش الواحده تمشي تسترخي وترررررررررقد جنب الحبايب




تصبحوا علي الف خير

جيجي سفهتيييني في العرس ماشاء الله خاطري في عرس بعد تزوجت ماحضرتش ولا عرس
المهم بالنسبة لآثار الحرب عندي حلول بسيطة لكن للآثار البسيطة مش المستعصية زي حالتي تواا دماااار شامل هههه
المهم لما تدوشي وجهي الامية الساخنة علي رقبتك تخفف شوية لانهم عبارة عن دم متجمع في مكان واحد بالامية الساخنة يخف شوية
وحاجة ثانية لما بتطلعي لمكان حطي علي رقبتك كريم أساس وكتري منها حتي هيا كويسة تغطي الفضايح شوية هههههه
الخدعة هادي درتها يوم المحضر امتاعي لانه الآثاز واصلة لوجهي مش غير رقبتي ربي يسترنا وخلاص .
احكيلنا علي اللبسة الهندية شوقتيني ليها وأثرتي فضولي
حتي اني فضولية رحت في الغربة زي فروسة ههههه
حتي تصير مناسبة خفيفة لاهلي نهبلهم بالأسئلة عاللبس والماكلة ووووووووو الخ.