[أم ياسمين]

حبيبتي اتعوذي من ابليس اول شي و مافي شي يصير الا اللي الله سبحانه كاتبه خلي كل شي على ربج , بعدين الام اصلا غير البنت فيها احساس غريب سبحان الله و هذا الاحساس عند بعض الناس يحسون فيه مبجر اول ما تتكون النطفه و بعض الناس ما يحسون فيه الا لمن يشوفون ظناهم بين ايدهم و بعض الناس ما يحسون فيه الا لمن يخلصون النفاس وتعب الحمل على حسب كل وحده و هذا الاحساس اهو اللي يخليج في هاذي الفتره حساسه وايد على اقل شي
انا اقولج عن تجربه شخصيه قبل لا اتزوج كنت مستحيل انزل من عيني دمعه على اي شي كان حسبالي ان ما عندي دموع خخخخخخخ بس بعد الزواج و العيال الحين زوجي يسميني ام دميعه
وبعدين الحساسيه هاذي تكون في الام عشان تحس في عيالها و تقدر تعتني فيهم راح اتشوفين عقب ما تولدين بالسلامه لو كنتي نايمه و الياهل يمج قبل لا يفتح حلجه و يبجي انتي تفزين و تصحين من النوم قبل لا يطلع اي صوت منه بس الابو تلقينه في سابع نومه و ما يصحا الا اذا الياهل صدع راسه بالبجي و الصراخ ((اتمنا اكون فدتج حبيبتي)) والله يحفظلج اللي في بطنج انشالله