[هدية الخالق]

المشاركة الأصلية كتبت بواسطة أمل ليبيا

اوشي ياغاليه ان شاء الله ربي يعاونك في شغل البيت وحوسة الزواق وان شاء الله يارب يطلع زي ماتبي واحسن
وبالنسبه لاخيتك ربي يحفظها اكيد صعب تتحمل المسؤليه ع طول بس مع الوقت تتعود ان شاء الله ربي يهنيها



اثري تسلمي حبيبتي وان شاء الله ديما دياركم عامره بالافراح يارب



هديه شن صار قررتي كسكسي او رز هما الاثنين حلوات صحتين ع قلبكم وبالنسبه لشعوركم لما تعيط بنتك والله حتي اني خايفه مانتحملش المسؤليه لاني الفتره هذه نحس روحي حساااااااسه وعصبيه مش عارفه ينتهي الشعور هذا مع الحمل او لا يستر الله بس نحسه صعب شويا تجيبي البكر في الغربه واهلك مش جنبك والا زعما عادي؟؟

إن شاء الله ربي يسهلك أموله وتنوضي بالسلامة طبيعي الفترة هادي حساسة من الحمل ولانك بروحك أني زمان تسأل فيا الدكتورة تقولي سعيدة والا حزينة قالها رأجلي حزينة لأنها بعيده علي أهلها مشي قاتلي حاولي تكلميهم ديما وتشوفيهم عالسكايب لان الوحدة لما حامل محتاجه تكون مع عائلتها وتكون مرتاحة نفسيا والله أني زمان حملت من أول شهر بعد الزواج ماشاء الله تخلطت عليا فراق أهلي والغربه والحمل تعب نفسيتي لدرجة الشهور الأولي درت حالة لراجلي كل يوم نعيطله ونقوله روح بيا وهو معاش عرف مسكين شن يديرلي لكن بعدين وجعني وقلت معاش منكده عليه ويندم إنه تزوج قاعدين عرسان وفي نفس الوقت نبيه يركز علي قرايته معدش بكيت قدامه قعدت نخلي فيه نين يطلع ونسمع تسكيرة المفتاح نبدأ في العياط هههه
لكن الحمد لله توا انسجمت عالاخر بالعكس كان يقولي هيا كان بتروحي منبكي انضني ههههههههه
تو مع البيبي الجديد يمتلي وقتك وتقولي وين أيام الفضوه والكساد الله يرحمهم