اليوم رحت للدكتور بندر وسويت الجلسه الاولى للتحفيز وطلعت بسيطه وسهله مو مثل ماتوقعت
اول ماوصلت طلبت مني الممرضه اشرب مويه تقريبا علبتين وبعدها حطوني الممرضات في غرفه الفحص بعدين جا الدكتور وحطلي جهاز الفحص من تحت وحط جوا الرحم قسطره صغيره لاكن غريبه تختلف عن قسطره ترجيع الاجنه اللي كنت اشوف الدكاتره يستخدموها
الحمدالله ماكان في الم بس حسيت بمغص بسيط مثل مغص الدوره وماخذت دقيقه وقالي الدكتور خلصنا قلت له عن المغص اللس حسيت فيه قال عادي وهذا دليل ان التحفيز تم بطريقه سليمه وراني القسطره فيها شي لونه زهري غامق وصغير مره زي الخيوط وقالي هذي البطانه القديمه السيئه وراح يطلع بدالها بطانه احسن بالجلسه الثانيه
بعد كذا الممرضه اعطتني تحميله شرجيه مادري اش فايدتها وخلوني ارتاح 5 دقايق وبعدها عطاني الدكتور مضاد وحدد لي جلسه ثانيه الاسبوع القادم
انا مبسوطه اني سويتها وماكنت صعبه مع اني كنت شايله هم بس الحمدالله ربي يسرها والدكتور ماشالله يده خفيفه الله يجزاه الف خير والله الدكتور بندر ماقصر كان متفهم ومعطيني وقتي وزياده ويشرح لي الصغيره والكبيره ويطمني ويقولي اتكلي على الله والله ماحسيت اني متوتره ابد ابد الله لايضيع لي تعب ويرزقني ويعوض صبري خير و****لله الاسبوع الجاي بعلمكم بجديدي ادعولي