السلام عليكم وصباحكم فل و ياسمين
انا راني كاو هدا وين كملت الميناج 
نور حبيبتي تفاءلي شوف نقولك حاجة تضحكي انا بد ما غسلت من أخر دورة ليا دوشت ورقدت في اللي حلمت روحي في السبيطار في نفس المكان اللي رقدت فيه كيما دخلت للسبيطار و فارقت فيه و كنت نشوف كل العايلة داير بيا وانا ساكتة و راخلي حب يهدرني ما هدرتش قاتلو يماه خليها درك تشوف وليدها تهدر و هاداك الصح جابولي البيبي ما شفتوش بصح شقيت ملفوف في طرف ازرق و حطوه في حضني
وماما حلمت جدتي الله برحمها مدتلها صندوق ممر ذهب قاتلها تا مريم ما تفتحيهش
و في نفس الوقت عجوزتي حلمت طلبتها في مقياس اعطاتهولي و قاتلي البسيزوج فردات وانا قتلها لالا حابة نلبس فردة وحدة هههههههههههه ماش طماعة
شوفي انا ننصح شوفي طبيب شاطر باش لاكان كاش مشكل تاع هرمون لحليب تنحيه ولا اضطراب الدورة تنحيها و زيد ما تكتريش الدواوات اصلا انا كي تزوجت رحت للطبيب لقيت هرمون الحليب داويتو ومن بعد وليت للطبيب قتلو كاش دوا قاي روحي ادعي و استغفري الطبيب الشاطر ما يهلككش بالدواء غير لاكان عطاوك ادوية تساعد فقط على الحمل مثل البروجيسترون (منظم للدورة و مشجع للحمل) وتاني اسيد فوليك فقط بصح ي رايي ما تشربيش وحدك لازم طبيب
في ما يخص الأعشاب انا ضد الفكرة لأنو كل وحدة وجسمها و كل وحدة و تفاعلات جسمها مع الأعشاب