غدوه باذن الله عندي عرس في الحوايز لان الحفله في الصاله
فبنمشي غدوه للكسوه وحسب ماقالولي ان مافيها شئ حتي الدربوكه جلد ودف لان جوهم هكي ويستعملوا فيهم من قبل
وبتمشي معاي عزوزتي معزومه
العرس اخت صاحب راجلي وجايتني العروسه وامها وخواتها في ريناد
عندي قفطان امخيطاته بالردئ لونه مشماشي في التركواز وكله مخدوم بالفجره
فكرته من اربعه سنين فاتوا بس مايلبسوش فيه هلبه مع انه اخف من الصدره واحلي وارقي
خيطته من لما عروسه ولبسته مرتين بس
طبعا مايلتبس عليه شئ الا خواتم وخراص لان الدجاكيت فيها رقبه مخدومه وحواشي اليدين كانهم صوار ونلبس تاج مع التسريحه
والكندره بنفس الردي والشنطه والمروحه
المهم كان حالي باهي وسخر ربي وجتني مزينتي بنمشي
وراجلي معزوم عالعشئ وبنمشوا في نفس الوقت مع اصحابه سيارت ورا بعض لان الطريق بعيد شوي وللاحطياط