انا معي 3اولاد ولما جبتهم حسيت بالفرحه وحمدت الله على النعمه
والأن انا ولدت وصارلي 27يوم من ولادتي وجبت احلى بنوته والي كنت انتظرها من زمان
كانت فرحتي فيها غير عن اخوانها واول ماطلعت من بطني
وعرفت انها بنوته فرحت حييييل والدكتوره قاعده تنظف لي بقايا الولاده
وحطتها عالسرير وانا في قمة التعب اقول فديتها حبيبتي فطومي جيبيها اشوفها فديتها حبيبة ماما فطومي
صرت اتكلم من غير شعور من فرحتي فيها بعدين دخلوني غرفة الأفاغة وبنتي لسى في غرفة الولاده ماعطوني اياها
ماقدرت اصبر رحت امشي وانا مو قادره اتحرك عشان بس اشوفها والمسها وبوست ايدينها
فرحتي فيها مااقدر اوصفها ابدا ولليوم كلما شفتها احمد ربي ع اجمل هدية اكرمني فيها
وكل الي اتمناه اني اربيها واحسن تربيتها ويجعلها ياربي ريحانه من رياحيين الجنة
والسموحه طولت عليكم