[هدية الخالق]

المشاركة الأصلية كتبت بواسطة جوهرة ليبيا

الحمد لله علي كل حال

طبعا تعبااااانه مووووت

ولو بنحكي ونكتب نبي عشره صفحات

فالافضل نتوكل علي الله وربي يعطيني صحتي وان شاء الله في ميزان حسناتي

طبعا اليوم امقرره اني نقعد في حوشي وانطيب الفطور ونبعت لامها وعزوززتي ومانيش ماشيه


امس قريب متت بين نساوين ورجاله وحلبه وعصيده وبرنامج وللاسف ملقيتش حتي كلمه شكرا

وراجلي اليوم حتي هو مايبينيش نمشي

عشره ايام ليها جايبه حتي الوليد لين تغسلهولها امها اتقول بكره

انا عمليه وتعبت قريب متت مره وحده غسلاتها امي وبعدها بروحي وانطيب بروحي من الاول ونضف في حوشي

راجلي توه قال لامه قوليلها تغسل للصغار حتي الرجاله يسلموا عليهم ريحتهم حاله

حتي ضوافرهم والله انا قلمتهم


خلاص خلاص انحس بضغطي بيرتفع وناخد غير في ذنوبها ربي يهدي وخلاص

سبحان الله ياربي لاحظت أنه في كل عيلة موجودة سلفة من هالنوعية
أني عندي اختي تعاني زيك واحرف برود قاتل عند سلفتها عكسها هيا ماشاء الله
والله مش شكر فيها لكن ماشاء الله زيك جيجي فالحة وما يهونش عليها تلقي حاجة
تبي الدير وتخليها حتي هيا نين راجلها مايبيهاش أدير شي لان يشوف فيها كل شي جاي عليها
تعرفي والله المدة اللي فاتت شيبانيها مرض وعدى لتونس هو وعزوزتها وطبعا حماتها
صغيرة وقراية وامتحانات مشي عدو هيا وسلفتها قعدو في حوش العيلة نين روحو
المهم قالت الحوش كبييير ماشاء الله وشباب يبو ماكلة وغسل حوايج كله جي علي رأس اختي قريب تقطعت
وسلفتها قالت مقعمزة ودايرة راسها وراس ولدها يا أما تهدرز هيا واهلها بالساعات عالارضي
لكن قالت لما روحو رجل اختي قال قدام أمه وبوه والله مرتي قريب تقطعت في الحوش بروحها
مسكينة هههه راجلها جري شوية
قالت خوه نزل راسه في الأرض وتحشم و بعدها نسمعو فيه يعارك في مرته ههههه
ربي يهدي وخلاص