سبحان الله انا فكرت في نفس الموضوع ده النهارده مع اني مش متأخره في حمل كتير بس قلت يمكن انا مقصره في حق ربنا وربنا مش كاتب اجيب ولاد عشان مش هعرف اربيهم كويس وهقصر معاهم فيكونوا مقصريين زيي وبدل ما يكونوا سبب في زياده ثوابي ويدخلوني الجنه يكون سبب في العكس. لاقدر الله بس هي اكيد وساوس من الشيطان زي ما الاخت قالت ربنا قال في كتابه بسم الله الرحمن الرحيم ((ولا تيأسوا من روح الله انه لاييأس من روح الله الا القوم الكافرون )) صدق الله العظيم انا عارفه ان خيبه الامل اللي بتتكرر كل شهر صعبه بس خليكي متأكده انه ده الخير وربك عدل رحيم كريم وما حدش عارف الخير لينا فين غير ربنا وهو احن علينا من نفسنا وبدل ربنا رايد التأخير يبقي في حكمه عظيمه وراها احنا مش شايفنها ولا عرفنها ووقت ما ربنا يريد نعرفها هنقول يااااااااااه علي كرمك يارب قد ايه انت كبير ورحيم بينا اوي عادي يا اختي انك تتضعفي مافيش حد فينا مش بيضعف احنا بشر مش منزهين عن الخطأ بس الاهم انك ترجعي تفتكري النعم اللي ربنا مديهالك وتحتسبي اجرك عند ربنا وتصبري وما تجزعيش وفي الاخر الدنيا الي زوال الاهم والابقي الاخره وجنتها اللي ما فيهاش هم ولا حزن ولا اي لحظه زعل انا بقول الكلام ده لنفسي قبل ما اقولهولك والله يصبرك ويصبر كل مشتاقه ويرزقنا جميعا من فضله انه عليه هين انه عليه هين انه عليه هين.