كيف حالكم حبيباتي وشن اخباركم
صحه فطوركم
اليوم كان متتتتتعب للغايه
نضت بعد الظهر صليت وقريت قرآن وطلعت لحمي ووووووو
وبنرجع نقرا هرررررب الضئ ومع النو صعب قريت شوي وراجلي نايض بكري امشي للحوازه ايشوف فيها ويشغل المضخه للسقي
المهم مسكين ناض عرق وهو ماليشي ساعه راقد صلي وروح رقد
قالي امالا نوضي نطلعوا كملي بضاعتك احسن حتي مكيف السياره يشكرو فيه ههههه<<<ميحبش النو
ارجعت لمحل الحوامل رديت وحده من القطع وخديت بدلها وحده احلي واوطول تحت الركبه بالزبط وركبتلها سروال جينز فاتح
بعدين محل باسم فرع سوق الجمعه امتاع المكياج خديت بودره اعشاب وكريمه وماسكرا وكحل بس هذا اللي ناقصني
ومشيت لمحل احذيه اخديت زوز كنادر عالبسات امتاعي وزوز شناطي
واخيرا محل الاكسسوارات عجبني تاكم شيشخان بسيط وحلو وشكلت حاجات تانيه ساعه وخواتكم وكرونات خفاف
وروحت
زوجي طاير من الفرحه كل محل ممكن ربع ساعه او اقل فقط ساعه ونص وكنا في الحوش
خديت لراجلي علي ذوقي شبشب ولبوي حبيبي وخوتي الاولاد
طبعا روحت قبل العصر والضئ قاعد ماجاش يفدد
توضيت واذن صليت وخشيت للمطبخ
درت شويه كسكسي وتبلت حوتين وسلاطه مشويه
ودرت سلاطه عربيه وجهزت الفاكهة والقلعاوي والدلاع
وبديت اندير في حاجات السحور
بوريك
كبه
سويسرول الدجاج
وبيتزا وخبيزات
<<<<طبعا الحاجات هادي ماحطيتش منها عالسفره الا 4بوريكات باش يتكل الكسكسي والحوتات وفعلا الحمد لله كل شئ تمااام
وشربنا القهوه وقعمزت تعباااانه من شمس القايله
ونضت لمطبخي قاعده نطلي في الماعين سمعت العشاء يذن ماصارش من المشي لحوش بوي قبل الاذان قلتله صلي وتو نمشي
وكملت المطبخ
وسيقته
وبخرت الحوش وغسلت بسرعه البرق وراجلي روح وانا انصلي
جففت شعري وبدلت وامشيت <<<بالتفصيل ههههه
ومن ساعه ونص تسحرنا وعزوزتي روحت وراجلي خدي غفوه ونوضته توه امشي للتهجد
وانا شوي بنرقد رنوده وبنصلي