[جوهرة ليبيا]

المشاركة الأصلية كتبت بواسطة أم أجنادين 80

سفرة دايمة ام فراس
ماشاء الله ناشطة وتشكلي انتي وجيجي

الف لاباس علي رنوووو



مايوريك باس ياااااارب وربي يعطيك ماتتمني والله ياغاليه مننسي فيك من الدعاء ربي يحفظك

ماهو جيب التاجر ؟؟؟


احني انقولوا الفركسي المقلي خفيف ويهبل وامس درته عالشوايه طلع خطوط حلو وخفيف


قصدك جيجي درتي سويسرول والعصبانهة وكيكة النسكافيه علي طريقتي ؟؟؟

ايه والله الثلاثه نفس طريقتك بس العصبانه درتها دوائر صغيرونات بس مافتحتهمش بين تنين حسيتها تتفترش حواشيها شوي

المشاركة الأصلية كتبت بواسطة sosolibya

السلام عليكم ورحمة الله وبركاته




شنج جيجي ولا بأس على رنودة الحلوة ومبروك ماخديتيلها



الله يبارك فيك وعقبال الصغار الحلوين

سامحينى جيجي عندى تعليق


ولوووووووو تفضلي وماتخلي شئ في خاطرك


انا مانكذبش فيك لكن معقولة
محشى وسويسرول حلو وحار وحوت وبوريك وبيتزا وخبيزات
وبيتزا وجيب التاجر وكيكة النسكافيه
والعصبانة

بالله امتى صار هذا كله وكله درتيه بعد مادهورتو فى المحلات

لا المحلات قلت طلعت يوم السبت مش امس ؟؟؟؟!!!!! عرفتي

يعنى حتى و بالعقل بتقسمى ألأعمال على الدقائق والساعات مايتموش هذا يبى عجن وتخمير وحشى وتتبيل ولف وقلى وضرب فى الخلاط وكوشة ووووو

انا ايدي خفيفه والحمد لله بس من كل شئ اندير كميه بسيطه


مثلا المحشي المعدنوس والبصل والخضرا جاهزه عندي ومغسوله في التلاجه
اللحم امدايراته اكياس لحم وشحمه وطني مقرضين يعني انخلط بس ونسلق ونلف في نص ساعه ونحطه وننساه


الشربه لحمها جاهز ومغسول ومفرز نغسل ونطيبها في 4دقايق ونحطها علي نار هاديه وننساها

نعجن في 5دقايق وننساها نص ساعه

الصالصه جاهزة والجبنه ومبشوره وزيتون شرائحه جاهزه


يعني باختصار مانديرش حاجه وحده لين انكملها لاااااا ايديا بين اكثر من حاجه

وبعدين انا مش عيله

تعرفي المحشي كسكاس صغيرون

طبعا ممكن مافهمتيش كيف اندير بس انا توه قاعده مادرت شئ غير طلعت اكياس اللحم الشربه وصدور الدجاج ولحم المفروم ونصلي ونخش للمطبخ


بالنسبه للحلو امس زي هالوقت قعمزت وشفت الكيكه نضت درتها قبل العصر لان رنوده رقدت امس واختصار للوقت لاني عندي حلويات من جارتي وصايه ماشاء الله يهبلوا

بالله ماتحرجيش منى مش نكذب فيك لكن كيييييييييييييف؟؟؟؟؟؟؟

انا واثقه من نفسي فمافيش داعي نحرج وربي يعطيني صحتي ويطمني علي بوي الغالي