حبايبى واخواتى ازيكم، فكرة قاريتها على كذا منتدى لكشف الحمل اسرع فى اختبار الحمل ،،، او نعمل نفسنا زى المختبرات ها بس الفكرة محتاجة قلب جامد طيب خلاص هاقول من غير تطويل الفكرة فى المختبرات بياخدو عينة الدم يدخلو فى جهاز لفصل الدم عن مكوناتو ،،، ليظهر طبقة صفراء بياخدو منها عينة ويضعوها فى تحليل الحمل المنزلى قريت على المنتديات وكمان طبقتها انك تشكى اصبعك بأبرة اوبجهاز السكر وتنزلى كم نقطة دم وبعد ذلك تضعى على نقطتين الدم نقطتين بول وتاخديهم ع الجهاز . لون الجزء اللى بتظهر فية النتيجة بيكون وردى شوية بس تستنى شوية اللون بيروق وطبعا دة لان الدم بيظهر فية هرمون الدم اسرع من البول . طبعا هاتقولى كدة ببوظ الاختبار بقولك لا لان لو الاختبار بايظ او العينة مش سليمة خط الكنترول اللى عند خط السى لايظهر ، لاكن بالطريقة دى بيظهر خط السى بوضوح جدا وطبعا لو حامل هايظهر الخط التانى . اما عن تجربتى فخط الكنترول ظهر ولم يظهر خط اخر لان لسة معاد دورتى فاضلو 6 ايام . تفبلو تحياتى ودعواتى وجربو وقولولى الاخبار.
الحمد لله حمدا كثيرا طيبا مبارك فية.