بالنسبة للسؤال الأول كل الأطفال هيك ... برضعوا وبرتاحوا شوي وبنامو وبرجعوا يكملو رضاعة
وإبنك هيك بتفكريه شبع بس هو بكون برتاح شوي لأنه الرضاعة متعبة .. يعني اصبري عليه شوي .
وعادي لو إبنك نومه خفيف فيه كتييير أطفال هيك خصوصاَإذا كان نايم منيح في فترة الليل أو النهار
وبالنسبة إنك تلفي البيبي فهالشي أبداَ ما إله أي دخل بتقوس الرجلين ... لف الطفل سببه واحد لحتى يحس إنه لسه ببطن امه وينام براحة ومافي داعي تستخدمي خيط أو أي شي تاني ... إذا حابة تلفيه بس بالكوفلية عالخفيف ولو هو حب يطلع إيديه خليه على راحته
أنا بنتي ما لفيتها أبداَ لأنه أصلاَ الجو كان نار .. كنت بس أحط الكوفلية على بطنها لحتى أقدر أحملها.