ان شاء الله ولدك مافيه شي وكل طفل يختلف عن الثاني في الوزن وكميه الاكل والتطورات في الحركات
اهم شي يلعب ويضحك وينام كويس وان شاء الله كل شي لاحق عليها
بنتي ماشيه في تسع شهور ولسا ماهي ناويه تحبي وكمان ماتجلس لوحدها
حطي في المشايه نص ساعه باليوم مو اكثر وخليه على بطنو يلعب عشان تتقوى عضلات الظهر مع ان هذه الحركة تكرها بنتي بس لازم اخليها والعبها ومرة اريحها ومرة ارجعها ويارب تحبي
واهم شي الصحه والاكل المفيد مو شرط الاكل يسمن
زي ماتعطيه خضار ضيفي لها نوع حالي زي شوي جزر او بطاطا حلوة او ملح شويه وان شاء الله يتقبله وكثير اطفال بالقوة ياكلو الله يعيننا عليهم
والفواكه والسيرلاك
وان شاء الله لما يكمل الثامن اعطيه صدر الدجاج اسلقيه مع الشوفان او الخضار لاتنسي ابدأي بقطعه صغيرة والشوفان جدا ممتاز
وابدأي في الشهر الثامن صفار البيض ابدأي بنص الصفار وزيدي بعدها انا اخلطو مع جبنه مثلثات قطعه واخففه بشوي مويه ملعقه صغيرة