ممكن تستغربي اختي حلمي اصير ام جمال وانا نفس الشي مستغربة
والحلم شفته من خمس او ستة أيام،اترددت لأحكيه بس هلق قررت اكتبه بركي فيه الخير لطالما انا ما بعرفك ابداً غير بالاسم على هذا المنتدى
الحلم قصير وهو كالتالي:
أنابسأل وحدة عنك وهي المرأة مابعرفها ولابتذكر شكلها
بقلها وين اختي حلمي اصير أم جمال،بتقلي أنومابتعرف و صرلها كذا يوم بتتصل فيك و بتدق بابك ومافي رد
ومنخاف عليك ليكون صاير معك شي،لأنو ما حدا بيعرف وين مختفية
و أنا بموت من الخوف وبلح عالاخت انو نروح نكسر باب بيتك وفقت من النوم
هالحلم شفته قبل ما اعرف اني حامل وتنزل دورتي
مابعرف شو ممكن يكون تفسير الحلم
فيكِ ترفعي الحلم لصفحة الاخ انسكاب اذا حبيتِ تعرفي التفسير
الله يرزقك الحمل بجاه هالشهر الفضيل
و انشالله تكوني بخير وسلامة