صحة فطوركم
انا اليوم تعبت اول مرة نتعب هكي
دخلت للمطبخ مع اذان الظهر
صليت وبديت
درت المبطن وقاعده ماكملتش تكمل اسطوانة الغاز
شن الحل
درت الفيرنيلوا بس قليت شوية منه وشكله شخن خفت منه وقفت
بديت نرحي في الخبزة كمية كبيرة لماما
وبعدها درت السويسرول والكيكة الي بعد العصر بفترة حتي شطبت
حسيت بظهري بدي يوجع فيا
مششينا لحوس عمي نفس الشي القيتهم كيف كملوا البراك الضولمة
قليت الامبطن وماقعمزتش بكل
درت مهلبية وجهزت سفر الفطور الحار
وحماتي جهزت سفرة الحليب والقهوة
ولما بدينا نفطروا ذقت من كل حاجة طرف
طبعا لازم من الشربة مع وجبة
والله الكسكسي ماذاقه واحد
وانا علي السفرة حسيت روحي دهشت دخلت للدار ارتحت ونضت مع حماتي
نظفنا المطبخ
حسيته تعب هلبة عليا انطيب في حوشي وبعدين نمشي غادي ثاني
مش لو نمشي العصر ونطيب معاهم اريحلي شن رايكم
انتي كيف اديري سوسو