[ملاك بين الزهور]

السلام عليكم
انا متزوجه من 6 سنين وما صار حمل ابدا ومن بداية مراجعاتي كل مره
يتأكد كلام الدكاتره ان حالتي ميئوس منها و ما راح احمل ابدا ..
في المستشفى اللي اراجع فيها طلبت اطفال الانابيب كذا مره و رفضوا لانها
على كلامهم ما تنفع مع حالتي ..
مره كنت رايحه موعدي كالعاده ففاجئوني انهم عندهم طريقه اطفال انابيب
ممكن تنفع مع حالتي فرحت فرحة ما اقدر اوصفها لكم وتفاءلت تخيلوا انهم عطوني
اكبر جرعة ابر منشطه لمدة 9 ايام و اروح المستشفى لمتابعة التبويض وانصدم صدمة
ما تتخيلون يا بنات شلون اثرت فيني التبويض صفر و ما كمل علاج والتجربه الفاشله ..

الحمد لله الذي لا يحمد على مكروه سواه .. اللهم لك الحمد و الشكر ربي اذا اراد شي
قال له كن فيكون مهما قال او اكد الاطباء ..

انا من زمان مسجله ومتابعه بصمت لفتره وبعدها انقطعت ورجعت لكم الان حابه انظم
لكم يا بنات هالمنتدى الجميل والرائع

دعوااااتكم لي اخواتي .. فدعاء المسلم لاخيه المسلم في ظهر الغيب مستجابه بإذن الله ..