ياهلا بالكل يارب يطمننا جميعا ويرزقنا ويتمملنا ع خير .
حابة انظم لكم وانشالله نتعااون ونعدي هالمرحلة ع خييير =)
انا الحمدلله حامل بالحقن المجهري .. وحاليا بالاسبوع السابع ..
اول تحليل هرموني عملته كان اليوم السادس عشر بعد الترجيع وكان حوالي 3900
وبعد يومين عدته وكان حوالي 9300 ماشالله اللهم لك الحمد يابنلت ادعوولي بالثبات والتمام هذا النجاح كان لتجربتي الثانية بالحقن عملتها بمصر .. الاولى بجدة ماكتب الله لها النجاح ..
رحت للدكتورة الاسبوع الخامس قالتلي وضع الكيس تمام لكن لسة التفاصيل ماهتبين
تعالي بعد شهر .. الدكتورة ماحبيتها تتكلم باستعجال وماادتني وقتي كاني رايحه لها ببلاش ! فبغيرها انشالله ..
طبعا الله عالم قلبي معلق باني اسمع النبض وارتااااح ياارب .. قلت بروح الاسبوع الجاي بيكون الثامن اضمن لي اسمعه ويبان تمام .. لاني كثير تعبانة مافيني حيل اروح كل شوي عالدكتورة..
دورتي كانت 15-5-2013 ..
عمري 27 ومتزوجة من 2 و 10 شهور .. من جدة ..
والاعراض الم الصدر الاسبوع الرابع والخامس كان شديد وبعدها خف
غثيان حمدلله لا .. بس جووووووع شديد ع طووول .. وبنفس الوقت لما اكل من اول لقمتين احس راح انفجر من امتلاء بطني. لدرجة احيانا بحس مابقدر اتنفس .. كثير هالاحساس تعبني بس هالاسبوع خف شوي ..
النوووم والتعب والارهاق الشديد وخفقااان حتى الصلاة بتعب .. بعمل سندويشة بدوووخ =(
الدم عندي 10.5 ماعرف لو له علاقة .. لان لسة مازرت الدكتورة بعد التحليل ..
الله يأجرنا ويسهل ياكريم ..
عرفونا عليكم من وين ?