[مامة عبود]

السلام عليكم اختي

الحين بتخلصين نفاسك وابدى حياه جديده في كل شي


اول شي بنفسك

اصبغى قصي غير من شكلك ملابسك روحي انتي وياه السوق قوليله حبيبي ابيك تختارلي قميص على ذوقك خل اليوم كامل رومانسي ارجعي البيت ولعي شموع شغلي فوحات زيني السرير بورود جيبيله ورده علميه كيفف يجيبلك هدايا او جبيله عطر ولا طقم استحمام شي زي كذا

ثاني شي اميمتك لا تعلمينها باللي يضايقك ابد عشان ماتكدرين خاطرها بين لهم انك مبسوطه وعلميها كل شي حلو عندك وقوليلها تغير الحمدلله
لا ضايقك اشكى لربي وادعي وانتي متيقنه بذالك

اسلوبك لا تبينين لزوجك انك ضعيفه من كلامك حسيت شخصيت زوجك يحب البنت تكون قويه ابد امسكي دمعتك قدامه وقوي قلبك وصارحيه بكل شي قوليله بخاطرك قولي خل نبدا حياه جديده ابي احس انك جنبي انا محتاجه حبك وحنانك ترى مو بس الحريم اللي يععطون حب وحنان حتى الرجال ابي اطلع انا وياك نتمشى مع بعض نسولف نتذكر بدايه زواجنا وقوليلها مواقف صارت بينكم ذكريه بقبل وبعدين بعد فتره قولي خاطري اغير غرفت نومي ودي بوحده جديده ونختار مع بعض الالوان بعدين انتقلي لبيتك كله لصاله قوليله لا توفر معك فلوس ابي اجدد الاثاث احس قديم وكنه مندهك ومستخدم كثير


قوليله بعد ابيك تساعدني بالبيبي خل نربيه انا وانت احسن تربيه ومن هالكلام والمصارحه والمصداقيه بينكم البين احسن حل تقربكم من بعض لا زعلك قوليله انت زعلتني في كذا وكذا وكذا وانا لا زعلتك بشي نبهني يمكن ما اكون قاصده شي وانت تفسر على كيفك وتشيل على بخاطرك


واسال الله العظيم ربي العرش الكريم ان يسخرلك قلب زوجك ويسعدكم ويرزقكم الذريه الصالحه ويبعد عندكم كل حاسد وكل شر

ان شالله ما اكون طولت عليك بالكلام