السلام عليكم ورحمه الله وبركاته
آآآآآآه ربي يهديه راجلي امنوضني من التسعه ونص لااااااااااا هههههه
مع انه نايض من التمانيه دوش وطلع شغل الميه للمعشب ودار كاكاو <<اول مره ايدير حاجه بروحك
والاخت راااااقده ولاتندري علي حاجه وجاب خبزة وفطور
ونوضني
طبعا ماصارش من الحوازه سلفتي ماشيه من الصبح لحوش بوها صعب انخلي عزوزتي بروحها
توه قريب تنوض اتجي تفطر عندي
مع ان والله ماعندي غير السبت راجلي فاضي لكن علي كيفه من التلاتاء ماطلعت من حوش
رنوده بوها امقايلها بيشريلها العاب وحاجات تعليميه وحتي اليوم ماصارش وهي اتقوله هيا ابي نشو ههههه ر بي يحفظها
قالي خليها غدوه ان شاء الله وحتي كان بتاخدي حاجات للحلوه الصغيره عادي
لكن الضريبه
اني مش حنمشي ناخد حاجات رمضان قالي الدعاك في كل امكان زحمه ماينقرب شئ تو ناخدلك الضروريات من دكان كبير وعادي
وحاجات العطريه ساهله عنده صاحبه الشيخ فاتح عطريه ومرته هي اللي ادير في الدباير وكل شئ ودير حتي في البوريك المورق ديما لازم عندي منه استيكه او ثلاته حلو ونظيف وفي الكوشه خفيف
طبعا انا توه كملت ضمان الحوش كله هذا ميزه النوضان بكري اتكملي كل شئ بكري مع اني حتي في الايام العاديه مش مضغوطه
من شوي بخرت الحوش وكل شئ تمام عندي الملابس في الغساله شوي تكمل وننشرهم
وبس