شروق الاطفال التعامل معهم سهل جدا بس لازم تفهميهم وتراه كل صيحه غير عن الثانيه بس انتي ركزي معه ومن يخلص راضع رفعيه ع صدرك علشان تتطلع الغازات واغلب صياح الاطفال عشان بطنهم وتاكدي اذا صاح ويرفع رجله معناته بطنه دلكي بطنه بزيت او اسرع لك نيمه ع بطنه ويكون راسه فوق عن الاختناق الله يجيره واذا كان يريد ينام مهديه/قمطيه وخليه ع رجله وا ع صدرك لانه من يسمع نبض قلبك يهدى لانه متعود يسمع نبضك وكل شي غريب عليه فيهدي من يسمعه واذا مارضا سوي صوت الطنجره لما تصفر او صرصور الليل وراح ينام هذا الطريقه لاتستهيني بها والله بتشوفي العجايب منها عن تجربه شخصيه والله يسهل عليك وتفهمي لولدك وعلى فكره الولد يجوع اكثر من البنت