[روززة]

مساء الخير خواتي


انا يوم الخميس اللي فات تاريخ 20 \ 6 \ 2013 جاتني ولادة مبكرة في الاسبوع 24 و ولدت

و الطفل كان ميت و قبلها كان عندي فطريات و الله اعلم يقولون ان ماي البيبي انفجر بسببها

سبحان الله انا اللي كنت انبه الدكتورة بالالتهابات و يوم عطتني تحاميل و غسول ما توفرت التحاميل

و رحت ادور عليها في صيدلية ثانية بعد ما كانت متوفرة و بعد اسبوع انفجر الماي و نزل كل الماي

و ترقدت ف المستشفى 4 ايام ما كان بيدهم شي غير اني كنت تحت الملاحظة

في هاليوم قمت على الم في بطني و بعدين نزلت علي افرازات خضراء مثل لون الخيار

الصراحة خفت اول ما شفتها لاني اول مرة اشوفها عادة اللي كنت اشوفها كانت صفراء

او مايلة للصفار و شوي شوي قام يزيد الالم فدخلوني غرفة الولادة لحد ما جاتني الولادة

و سلمت امري لله و ولدت طفل ميت و الحمدلله في الاولى و الاخرة


و الله يجمعني به ف الجنة و يعوضني خير