الافرازات عاديه.. لكن ما أظن ان لونها عادي!
الدكتوره على طول تقول ان فيه التهابات اذا كانت الافرازات لها لون او ريحه..
في بعض السيدات يهملون نظافة المكان.. يعني لو غسلتو المكان هناك بالماي الدافي والصابون مارح تخسرون شي..
وخصوصا ان الحر والعرق يزيدون الطين بله..
وابتعدي عن الملابس الداخليه النايلون..
القطنيات احسن شي..
وانا نافعني الكير فري وايد من أيام ما كنت بنت .. مش بس بعد العرس.. يعني الافرازات تكون زياده قبل الدوره والجفاف بعد الدوره ... يعني حتى البنات لازم يحاسبون من الالتهابات مش بس المتزوجات..
ولا تستخدمين الحمامات العامه.. ولا حتى حمامات العيادات.. بصراحه انا اقرف من حمامات العيادات النسائيه.. الف وحده داخله قبلج!.. وع نجاسه
من البيت اودي معاي علبه صغيره وافتك من البهدله اللي تصير في الحمامات العامه.
المهم.. خلي الدكتوره تاخذ عينه وتسوي مزرعه عشان تتأكدين..
وتغسلي بماي وملح....الله يعينج ويعينا.. تراها معانات كل الحوامل.. عادي