السلام عليكم
حبيبتي اسمعيني زين
اذا لك خاطر في ابوك روحيله يوم سلمي عليه وتطمني
واذا ماقدرتي الله يخلي التيلفونات دقي عليه كل يومين تطمني
وخواتك بالمثل اذا مايبونك لاتروحينلهم واذا كانوا عادي واشتقتي لواحدة روحي لبيتها او كلميها
أنصحك أنصحك أنصحك لااااتضيعين عمرك تتمنين رضاهم أو تبينهم يعرفون زوجة ابوك على حقيقتها
كل واحد بهالدنيا بياخذ نصيبه اذا خير واذا شر
ربك اللي بيحاسبها اذا قطعت الارحام
لكن انتي لاتحطين نفسك بموقف محرج قدام زوجك
احسها صعبة تخلينه يشوف اهلك او ابوك يهينك قدامه بعدين ترسخ بمخه
حسسيه انه هو وولدك اللي بقيلك في الدنيا
ولاتزعلين على ناس مايبونك
والله اللي يحبك من قلب وصدق مايتخلى عنك لو يزنّ على راسه قبيلة بحالها
ولاتزعلين على احد لان بالنهاية مايبقى احد لاحد
اهم شي زوجك وولدك عامليهم بالمعاملة اللي مالقيتيها عند اهلك
واكيد عندك جارات حاولي تتقربين منهم اذا تبين جمعات وخلي كل مرة عند وحده
وعيشي حياااتك على كيفك
خلي ابوك راضي عليك حتى لو كان ببعدك عنه ترضينه وفرحي زوجك وولدك وتمشوا باأحلى ديرة هذولا بس اللي بينفعونك في حياتك وبعد موتك