[*أم يوسف*]

مساء الخيرات حبيباتي

حياتي توأمي حلو كتير التجمع

أتمنى تقبلوني معكم

الله يرزق كل من بالتجمع بالحمل عاجلاً غير آجل يارب العالمين


أنا من فترة النفسية سيئة للغاية

زوجي كان رافض الحمل و صارلي سنة أزن عليه حتى وافق أوقف المانع ، وقفته وهاد ثالث شهر .. مو هون المشكلة أنا أصلاُ أعطيت نفسي 6 شهور ع الأقل ليصير حمل بعد وقف المانع

طلعنا عمرة وكانت نفسيتي عالية ومبسوطة ودعيت ربي و رجعت من العمرة مرتاااااااحة ومتفائلة .. ومن كام يوم كنا جالسين وأخي يقول أنا حلمت أنك جبتي ولد و ضحكت قلتله لأ غير الحلم بدي بنت وأمي تضحك تقول إن شاء الله يجيك بنت وكنا كتير مبسوطين وإذا بزوجي يصدمني بجملة وجعت قلبي والله ، يقولي ما تتأملي كتير هاي أوهام إحنا ما راح نخلف تاني .. أقوله ليش حرام عليك أنا متفائلة يقولي لأ ما راح نخلف صدقيني أنا حاسس ومتأكد ان خلاص أخدنا نصيبنا و رزقنا من الخلفة وما راح نخلف تاني

ومن يومها صابني إكتئاب .. أعرف ان كل شيئ بأمر الله وهو ما دخل في علم الله ليعرف الغيب .. لكن كلامه وإصراره هاد جابلي إحباط .. أنا من كتر ما بأتمني الحمل صارلي مدة كل أحلامي اني جبت بيبي حتي أمي وأخوي يحلمون أني جبت بيبي

سامحوني طولت .. بس أنا متأكدة انكم بتحسون فيني لأن كلنا عندنا نفس الحنين والشوق للحمل

يارب يرزقنا جميعاً