[أمنية ..]

حياتي تسلمين لي على ردك واستقبالك الحلو ..

الله يحفظ لك أولادك وتشوفينهم في أعلى المراتب يا رب ، ويرزقك الحمل السليم المعافى في القريب العاجل يا رب ..

نزلت وزني من ٨٠ تقريباً ومرات كان يوصل أكثر من ٨٠ شوي .. إلى ٧٠ و ٣٠٠ قرام ، تمنيت أنزله لـ ٦٠ ، بس مدري كيف وصل لمرحلة ما ينزل .. وأنا أعرف أن ممكن فرصة نجاح التلقيح الصناعي أكبر مع تنزيلي لوزني .. لكن العلاج هنا في أمريكا مره مكلف بشكل مو طبيعي ، وأنا أبغي أعمل شيء نسبة نجاحه أكثر في الفترة القصيرة إلا بنزل فيها السعودية ..

تاخذين جلوكوفاج أو ميتفورمين ؟! ، أحاول أتعود عليهم بس دائماً عندي مشكلة الإسهال وإنتي بكرامة ..

المشاركة الأصلية كتبت بواسطة حياتي توأمي

حبيبتي الله يرزقك يارب
بس عن تجربه شخصيه تنزيل الوزن بحد ذاته يساعد بشكل كبير وكبير جداً لحدوث الحمل
انا قبل حملي السابق ظليت 4 سنوات بدون حمل وطبعاً كل الفتره هذي علاجات وكلوميد بس ماكان يصير حمل للأسف بسبب التكيسات وزيادة الوزنقررت انزل وزني ونزلته 20 كيلو تخيلي من 80 إلى 60 كيلو
وبعدها ظليت 3 شهور بدون علاج كفتره راحه ومن بعدها سألت عن دكتورة شاطره ورحتلها وعطتني ابر منشطه كنت اول مره آخذ ابره منشطه من 4 سنوات زواج الدكاتره اللي كنت اروحلهم يصرفولي كلوميد حتى زاد التكيس عندي من هذا الكوميد اللي ما أعطاني اي نتيجه
المهم حبيبتي رحت للدكتورة هذي وعطتني ابر منشطة مع ابرة تفجيريه كان تبويضي ممتاز وسبحان الله حملت بتوأم ربي يحفظهم لي صار عمرهم 7 سنوات
كل فتره 6 سنوات السابقه زوجي كان مانع الحمل بحجة التوأم ورعايتهم والحين قررنا ننجب طفل آخر بما ان عيالي كبروا
من 6 شهور احاول بالعلاج لكن ربي ماكتب للحين
ووزني زايد ومو قادره انزله بحكم انشغالي بالدوام
واتعالج وربي يرزقني ويرزقك يارب

حبيبتي آآآسفه طولت عليج بس حبيت اشرحلج مشكلتي بالتفصيل وعن تجربتي مع الوزن الزائد ربي يكتبلج الحمل يارب
ونصيحتي لج يالغاليه
أنج ماتطرقين لأي حقن مهري او انابيب ولاغيره
انتي اصلاً بما انك نزلتي 10 كيلو من وزنك هذا بحد ذاته يساعد على سرعه الحمل يعني نصيحتي باختصار خذي منشطات كبدايه شهر اثنين وثلاثه واذا ماضبطت لاسمح الله ابتدي الحقن المجهري او انابيب او ..... الخ

موفقه ياقلبي